President Trump nih ralzam pawl USA ram chungah lut lo ding in Executive power hmang a timnak kong a chim: USA hi cu a dawt bak ko hi

Coronavirus zawtnak ruangah USA cu khuaci a mui tuk cang i, a thimi le damlo mi an tam tuk cang caah rian ttuantu pawl zong an lungre a thei tak tak cang.  cun rian a tlawm thluamah hlei ah atu dirhmun ah cun rian zawng ttuan ngam a si lai lo caah USA mipi an him khawhnak caah le rian a ngei lo mi nih rian an hmuh than khawhnak ding caah ralzam pawl, ramhnihnak ah a um mi hna cu USA ram chungah lut lo ding in executive power hmang  a timnak kong a chim.

Washington :US President Trump Donald Trump nih cun novel coronavirus ruangah America ah unemployment a kar chin lengmang caah ralzam pawl (immigration) hna cu USA ram chungah lut rih lo ding in amah nawl ngeinak hmang a tim tiin a chim. Monday zan Twitter ah “ral hmuh kho lo mi kan doh lio a si caah, GREAT American citizens  caah rian kan chia piak a hau caah United States ah immigration phih chung ding si seh law tiin a chim

US Department of Homeland Security lei nih zeihman bia le hla an ngei lo atu dirhmun ah cun. The White House source nih  a langter ning ah cun, President Trump nih caan rau hlan ah Executive order a sign lai tiah a  chim. President nih hin Executive Order a sign rih lonain, State Department pawl nih march 20 thawk in Consular an phih cang i, Visa an pe ti lo. Coronavirus ruangah vawlei cung ramkip ah a thimi 3/1 cu USA mi an si caah USA hi a buai bik ram pakhat a si

(In the light of the attack from the Invisible Enemy as well as the need to protect the jobs of our GREAT America American Citizens, I will be signing Executive Order to temporarily suspend immigration into the United States!)

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralring tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo. English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah zong nih ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor

Be the first to comment on "President Trump nih ralzam pawl USA ram chungah lut lo ding in Executive power hmang a timnak kong a chim: USA hi cu a dawt bak ko hi"

Leave a comment

Your email address will not be published.


*


error: Content is protected !!