President Trump: Teinak ka hmuh lo ahcun US ram ka chuahtak lai.

Donald Trump nih Tuzarh Friday ni zanlei sang ahhin mipi hmai ah bia a chim i, a ra laimi thimnak ah teinak ka hmuh lo ahcun US ram ka chuahtak lai, aruang cu ka US ram President ithimnak vialte lakah a chia bik mi le a hman lo bik mi Politics izuamnak a si tiah a chim.

Trump nihhin President caah candidate arak tuah ka in ka sung zual ahcun timi biafang hi a hmang bal theng lo, a rak zuam ka in teinak kan hmuh lai tilei deuh in bia a rak chim tawn, tutan ah ka sungsual ahcun timi biafang a hman caah mi tampi an khuaruah a har, amah le mah tein teinak ka hmu lai tiah aa zumh ti lo caah hi bantuk in bia a chim i a si ko lai tiah ceihphai a si.

Tu ni le caan tiang ahhin Bideng nih Trump cu Vote ah a tei pang rih ko i, Biden nihcun teinak kan hmuh hrim lai tiah i zumh ngai in bia a chim peng, Trump cu Covid-19 vaccine buaipinak ah a thazaang a der ngai, soiseltu zong ah tam ngai, cu lawng sihlah mirang le minak kar ah thleidannak le buainak chuahtertu President a si mi tampi nih an soisel ngai mi asi, tukum cu Trump caah teinak hmuh ding cu a har ngai in alang. Source : The Sun.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

Be the first to comment on "President Trump: Teinak ka hmuh lo ahcun US ram ka chuahtak lai."

Leave a comment

Your email address will not be published.


*


error: Content is protected !!