President Trump thilfun sivai aatel mi a Kuattu a si lai tiah zumh mi nu cu FBI le Canadian Police hna nih an tlaih cang.

Nai te ahkhan Donald Trump cu a umnak Inn rang White House ah Thilfun sivai aatel mi kuat a si i, Trump a sin a phan hlan ah Trump zohkhen tu Secrat Service nih an tlaih manh, investigator hlathlaitu hna nih cu thilfun cu Canana ram in an rak kuat mi a si lai tiah an zumhnak an chim.

FBI le Canadain Police hna nih Hlathlainak  an kalpi peng i tuni Sunday ahin Canadian Police nih canada khuapi leng deuh i a um mi US le Canada ramri border i, Montreal Apartment Complex lei cu an va zohfel hnu ah, cu ka ahcun Nu pakhat Trump thilfun a kuattu asi lai tiah an zumh mi nu pakhat an va tlaih amin cu an chim rih lo . cu nu cu Canadian Citizenship a si tiah police nih an chim.

Atu hi cu an tlaih mi nu cu US ram misual a si lai tiah tlaih mi zohkhennak “Custody” bia hal ding in an chiah tuahmah lio a si, a kuatu hi a mah a si ko ahcun ,zeitindah a bia a ceih piak te lai dantatnak fak ngai a tuar khawh mi dirhmun a si. Fox News.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.
English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

Be the first to comment on "President Trump thilfun sivai aatel mi a Kuattu a si lai tiah zumh mi nu cu FBI le Canadian Police hna nih an tlaih cang."

Leave a comment

Your email address will not be published.


*


error: Content is protected !!