Pu Cin Thawng: Pu Chan Hre ṭih ruangah a zam mi kan si, Kan khua ah kan tlung ngam ti lo

Chin ramkulh, Thantlang peng, Surngen khuabawi le a mi ruaih mipawl i vuakvelh tongtu Pu Cin Thawng nih Khuabawi Pu Chan Hre cu ralhraang lungput nei a si ruangah kan khua ah kan tlung tthan ngam tilo tiah a chim.

Vuakvelh nak ruang i Siizung a phanmi Pu Cin Thawng nih “khawruat mumal nei lomi, mithah zong a poisa lo pawl zu a danghhna i a duhduh in rian a fial khawh hna. Curuang ah Pu Chan Hre hi kan ṭih tuk. Kan khua Surngen ah kan kir ngam ti lo” tiah a chim i “ralhrang ṭih i i “dawrnak kan kawl hi a si ralzam kan si” tiah a ti.

Hi buainak kong hi Chin cozah sinah report tuah a si cang i “Cozah lei i hmalak ning ding cuan in kan um” tiah Pu Cin Thawng nih a chim. Pu Chan Hre le a ruaih mihna misual 13 Cozah lei in Surngen khua mi hrang i bawmhnak an pek mi eihmuar nak kongah khuachung upa Pu Lian Mang, Pu Van Peng le Pu Cin Thawng tel in chungkhar 11 le khuabawi karlak ah i hmuh thiamlo nak lianpi a chuak .

10 August, zaan nazi 11 hrawng ah khuabawi pa Pu Chan Hre i a ruaih mihna minung 13 hna cu thing fung he lungtum he an cawlcang. Surngen khuabawi Pu Chan Hre nih Misual pawl a ruaih mihna i tuk velhnak ruangah Pu Lian Mang cu a a pum fak tukin a tthih caahHakha Siizung ah operation an tuah.

Pu Van Peng zong a thisen tam tuk a chuah bu ah an vuak chih an chuih an lamh i a hnar ruh pahnih tiang an khiahpiak caah Hakha Siizung ah an kalpi ve. Pu Cin Thawng zong an vuaknak a fahtuk caah Hmawngtlang Siizung a phan.

An buainak pawl cu Khuabawi ṭih ruangah le Khua minchiat phan ah chimrel loin an um i, tu ahcun an celh veti lo i media sin ah an chimfian. Misual minung 13 hna cu Thantlang palik nih an tleih cang hna nan khuabawi pa Pu Chan Hre cu tleih a si rih lo. Curuang ah khuachung minung 11 nih Khuabawi pa` thilsual tuah mi vialte le khuabawi a sinak phuah dingin Chinram cozah sin ah ca an kuat .

Be the first to comment on "Pu Cin Thawng: Pu Chan Hre ṭih ruangah a zam mi kan si, Kan khua ah kan tlung ngam ti lo"

Leave a comment

Your email address will not be published.


*


error: Content is protected !!