Pu David Ngai Sak nih “Zeica’h dah Chin party kan herh

CNLD chairman Pu Ngaisak nih Chin party a dirnak cu Chin mipi caah a lamkip in riant kan ttuan khawh ding ah cun midang kut ah pe dai duah men loin midang he ttuan tti zongah an hnuzulh men lo in hawikom dirhmun i rianttuan pi/tti kan duh caah a si tiin chimfiannak a ngei.

Pu Ngai Sak nih Pi Suu Kyi a soiselnak bia cu a dik tuk, Chin ram a tlawn  hi Dawtnak a ngeih ruang ah a si lo - LAIKOKEK

Pu David Ngai Sak nih “Zeica’h dah Chin party kan herh ti a si ah cun kan ram caah federal hmu dingin kan zuam a herh. Cucu kan techin fale caah kan tinh mi a si, kan saduhthah mi a si. NLD kan hua lo,kan duh ko. Asinain an thiltuahmi dihlak hi kan pom dih ding a si lo. Kan ram caah thil tha an tuah ah cun kan pom ding a si i, thil ttha lo an tuah ah cun kan doh ngam ding a si. Cu caah NLD kan doh tiah a chim mi cu mi dik, mi hman an si bak lo.

“Pinlung thinlung lawng cu kan duhmi a si ih pinlung biakam mi cu kan hmang kho ti lo, miphung kip an i tel lo tiah Daw Suh nih a chim. Pinlung thinlung timi cu amah tein chuak mi siloin kan pupa hruaitu le Buchuk Aung San in a chuakmi a si. Kan ram kan i fonh lai tiin an lungtling i cucu miphun kip i tluk in covo ngeih ding, mah te i uknak cu miphun dang nih hna hnawh lo ding tiah lungtlinnak an rak tuah mi a si.

CNLD Chairman, CNLD Salai David Ngai Sak Upadi Nih Buanco Seh (Bawizik Cu  Upadi Siseh)

“Curuangah Daw Suh nih pinlung thinlung lawng ka lak lai i, pinlung lungtlinnak cu tlangcung mi dihlak lethmat thut lo ruangah buaipi a herh ti lo a ti mi cu ka pom kho bak lo. Kannih cu pinlung lungtlinnak bangin miphun covo cu ai khat ding a si, mah le mah i uk timi le miphun dang hnahnawh lo ding timi ruahnak ngei pawl cu rian kan ttuan pi ding a si. “Cu caah zeibantuk party an si ah mahte i uk nak (federal ) duh lo cu kan tuanpi kho lai lo. NLD nih federal kan tuahpi lai an ti ruangah ruahchannak cu a um ko rih.

“Chin party kan dirhnak cu kan ramchung zalawng te in um seh kan duh ruangah a si. Rampi huapin NLD a silo cun Federal kalpi kho ding in tei ve hna sehlaw kan chinram ah Chin party nih teinak co ve seh. Rampi nih teinak co le tlang cungmi party teinak co cu khat le khat i hmaizah nak he kan ttuan tti kho lai. Cuti cun hnuzul tu siloin hawikom dirhmun in rian kan ttuan tti kho lai. Cucu kan duh bik mi a si.

Salai David Ngai Sak: Daw Aung San Suu Kyi Nih Tlangcung Mi Sinah Kal In  Vote A Kawl Thluamah Lai – Chin World News Evening

“Kan vote pawl cu miphun party pe loin kawl chungah kan ap dih tikah tuah khawh nak cu an kut ah a um dih. An kut i,a um dih cun zehmanh ah a kan rel ti lo. Cu caah chinram ah Chin party nih teinak a co i toangcung mi party dang zong teinak an co an cun rampi ah party pakhat lawng nih cozah a dirh kho lai lo.
“Cutikah anmah nih vice president laksawng an ka pek bantuk siloin kanmah nih kan duhmi cu CM kan chiah kho lai.

Cucu midang nih laksawng pek nakin man a nei tuk deuh. A hlan lio i thimnak ah kan vote vialte midang kan pe dih i, nawl kan ngei lo. Cu caah tu kum rampi i thimnak ahcun Chin party vote kan pe i teinak kan co ah cun kan kut ah thilti khawhnak a um lai i, Chin mipi caah rian tampi kan ttuan kho lai” tiah a ti.

Be the first to comment on "Pu David Ngai Sak nih “Zeica’h dah Chin party kan herh"

Leave a comment

Your email address will not be published.


*


error: Content is protected !!