R.I.P: Australia ah Pi Tial Zi nih Mual An Kan Liam Tak Lung A Fak Ko Mu

Melbourne nichuah lei ah khua a sami, Thantlang peng, Tlangpi khuami Pi Tial Zi, kum 60 nih 30/10/2020, Melbourne caan zinglei Sml 4:30 ah cuap cancer zawtnak in anmah inn 3 Hayes court, Kilsyth ah mual a kan liam tak ee. A pasal Pu Thla Cung le an fale 6 (nu 5 le pa 1) a rohtak hna.

A tu lio cu kan tlangrai a thian rih lo caah khrihfabu min in thutpinak tuah awk le ruak ihumh awk zong a ttha lo. Inn zong ah minung tam nih ngaihchia mi hna chungkhar hnemhnak le va lenkai khawh zong a si lo caah taantak mi chungkhar hna caah thlacamnak tu in bawm cio hna usih. Pi Tial Zi hi mi tha le mi hmurka tam a si. Asin um a nuam ngaingaimi a si. Hawikom le mileng a daw i mi tlaihchan a thiam.

Hawikom muleng nuamhnak ah nichuak capo chim a thiammi a si caah mithlam ah a cuang than lengmang dingmi kan Nu a si. A aw-aa ngaih a nuammi Nu a si. Caan zaimawzat dam loin a um hnu ah a hun kan liam taak hi a si. Hi btk Nu tha nih Chungkhar, Tulefa, Khuami, Khrihfabu le Miphun a hun kan liamtaak tikah ka lung a faak hringhran ko. Ngaichiat lungkuai a zual i a faak hringhran.

Maw, Kanu aw, Dai tein hung kal ko mu, Taksa in kan in tongthan ti lo nain kan mitthlam le thinlung ah na caam zungzal ko lai. Kan in siang hrim lo e. Vansui khua in rak kan dong te ne law: Khrihfabu le MNKF min in thutpinak tuah awk a that lo caah ngaihchiatpinak le bulhnak pek a duhmi nih a tanglei bank account ah pek khawh a si.

Be the first to comment on "R.I.P: Australia ah Pi Tial Zi nih Mual An Kan Liam Tak Lung A Fak Ko Mu"

Leave a comment

Your email address will not be published.


*


error: Content is protected !!