R.I.P – Laimi Nih Kan I Bochan Mi Pu Chum Ling le a fanu nih Motor Accident nak in mual a kan liam tak

A poi ko e, tu le tu thawngpang chia lawngte theih a si tikah lung a fak tuk hringhran. Tu tan zongah Tlangpi khua Hakha ummi Pu Chum Ling le a fanu nih mawtaw let nak in mual a kan liam tak ti thawng kan theih tik ah lung a fak tuk.

Pu Chum Ling le a fanu (a nupi Hniang Hiang he an hrin mi fanu) he an i citmi Pan Zero mawtor hi a mah mawtaw si dawh a si i, Hakha in meng 5 an kal nak ah an i let i an i let nak hi pe 200 hrawng a si. Pu Chum Ling le a Fanu hi a hmun ah an thi colh i, ruak pa khat an kawl cuahmah lio a si. Ruak an kawl mi hi hodah a si ti ai fiang rih lo.

Zei tluk in dah lung a fah mu, kal tak mi chungkhar hna caah zeitluk in dah a fah hnga? Thlacam nak tu in bawm cio hna uh sih law. Voi khat lo i, chungkhar khat i mi 2 bak nih mual liam tak hi cu a fak khun ko. Tantak mi chungkhar Bawipa nih in hnem ko seh. Kan in tuar pi tuk hna e, kan um nak ciao in lung a fak tuk ve e.

Thawngpang dang rel chap…

BBC Pawl Nih Hmaitonh Bia Hal nak An Neih I A Biachim Mi Nak In A Hnulei I Thil A Um Mi An Zoh Duh Deuh

Covid-19 zawtnak ruangah 2020 kum in a hopoh hi online chung deuh ngawt in an cawlcang cio hna. Hngakchia pawl sianginn kai nal le meeting tuahnak ti bantuk zong hi online chung in cawlcangh cio a si.

Online chung i an cawlcangh cio ruang ah Accident a tong mi minung zong an rak tampi vio hna. zoom call ti bantuk nan neih ding a siah cun a ho vio poh na hnulei i a um mi kha zeidah a si timi kha zoh philh bak hlah uh. UK ram i a um mi nu pakhat cu BBC Wales pawl nih hmaitonh biahal nak an nei, a min cu Yvette Amos a si.

BBC pawl nih an hal mi cu, riantuan ding nei lo i a har ning le riantuan ding neilo pawl i an um dan pawl kha chimfian nak a neih hna. An Interview-nak cu an post i mipi nih thil phundang ngai an hmuh, a cabu chiah nak bizu chungah pa zahmawh lem an hmuh.

Journalist Grant Tucker nih Twitter ah a post-piak i caption ah “Tuzan BBC Wales i khual ropui bak mi a si, a hnulei i thil a um mi cu ai phundang bak. Nan hnulei i thil a um mi pawl kha thetein zoh ta tawn uh tiah a langh ter.

Credit : Biate Mizoram