R.I.P : Lung A Fak Hringhran Ko Mu Chinmi Nih Kan I Bochan Taktak Mi Dr. Sasa A Nau Pa Nih A Kan LiamTak

Dr. Sasa a naupa tiah mipi theihthiam nak ding in kan tial, Dr. Sasa nih a zohkhenh mi, sianginn a kai ter mi a si caah Dr. Sasa a naupa tiah kan langhter hi asi.Salai Ngo Hmosa (Mr Aung Htun) kum 24 nih nihin zing ah Yangon Hospital ah Ruh Cancer nih an kan thih tak. Salai Ngohmosa hi Dr. Sasa tawlrel piak mi Scholarship in India ram, Shilong ah University a kai mi a si.

Ca aa zuam tuk mi a si caah first division in India ah sianginn a rak dih. Cu hnu ah Dr. Sasa tawlrel piaknak thiam in China ram Harbin University ah civil engineering a kai tthan.

Image may contain: 4 people, people standing and outdoor

Cu zong ahcun exam an tuah mi kip ah first division dirhmun lengmang a si. Tukum 2020 dongh ah hin China Harbin University in a dih cang ding a si nain zawtnak pulrai ruang ah tlawmpal a tlai dih mi a si.

Image may contain: 4 people, people standing and outdoor

“Ka naupa, kan siang lo tuk, na sianginn kainak ah na zuam, teinak nganpi na hmuh peng. Kan mah chung in a thiam hleikhun mi Civil Engineering kan ngei ve cang, Lailenpi Airport tuahnak, saknak ah nangmah na cawlcang lai i na ka bawmh cang lai ti lio ah na ka liam tak cu ka celh lo e” tiah Dr. Sasa zong nih a sian lonak kong a tarlangh hi asi.

Kawlram level in Chin miphun an kan cawisang tu David Lai zong nih a lungfahnak le a siang lonak a langhter ve. David Lai he aa kawm taktak mi, unau bantuk in a thu dir mi an si ve tikah a celh ve hrimhrim lo.

Be the first to comment on "R.I.P : Lung A Fak Hringhran Ko Mu Chinmi Nih Kan I Bochan Taktak Mi Dr. Sasa A Nau Pa Nih A Kan LiamTak"

Leave a comment

Your email address will not be published.


*