R.I.P – Mizoram Ah Hreitlung I Ceh Nak In Thihnak Tiang A Chuak A Poi Ko Mu

Hithil hi Mizoram Lungmuat khua i a cangmi thil a si i zaang a ram taktak! unau hna cu bia an i el fak taktak in an i sik ruangah a nau deuh nihcun a thin ai sum kholo i a chuahpi a U bak cu November 10 ni ah hreitlung in a ceh i a thi tiah thawngtheih a si.

November 9 khan Lungmuat khua i a ummi Lalthakima le a nau Lalrammawia cu bia an i ellen cang i a thaizing tiang zongah dai loin an unau cun fia fakfak in an i si peng rih ko, Cuti cun an unau in an dai duh veve lo i a nau deuh Lalrammawia cu ai sum kho tilo i ihkhun cung i a itmi a U Lalthakima cu hreitlung in a ceh.

Lalthakima cu hmakhat lo ah a thi colh , a ruak cu tuni November 11 ah Sentlang sizung ah Posmortem tuah ding a si i a u pa a thattu Lalrammawia zong Kawnpui police nih an tleih cang. Hihna unau hi zei kong ahdah an i el i hi dirhmun tiang an phanh ti cu theihfian a si lo, a nau pa nih a u pa a thah ti tiang hi kan theihkhawh mi a si tiah, Aizawl LPS nih cun a tarlangh. (LPS)

Be the first to comment on "R.I.P – Mizoram Ah Hreitlung I Ceh Nak In Thihnak Tiang A Chuak A Poi Ko Mu"

Leave a comment

Your email address will not be published.


*