Ralhrang Ralkap thazaang maw a dih hmasa lai CDM thazaang dah

Ralhrang Ralkap thazaang maw a dih hmasa lai CDM thazaang dah
Tutan ah ralhrang ralkap maw thazaang a dih hamsa lai CDM dah ti hi ruah lo awk a tha lo. kan ruah lo i daithlang kan um ahcun CDM cawlcanghnak tu hi tuan ah a tlu kho mi a si. Cucaah thazaang kan chuah chinnak lai ralkap thazaang zei a lawh lai tihi kan tuak pah a herh. Ralkap cawlcangh ning le thazaang hoih in CDM lei ah thazaang chuah hau mi a si.

Ralhrang ralkap hi tuan ah (Thla hnih khat) ah an thazaang a dih lai lo. Zei ca tiah ahcun Cozah lei ram khat le ramkhat i bawmhnak hi a dang te a si ve. Ralkap le ralkap kar ah ramkhat le ramkhat ralkap hna i bawmh chanhnak an ngei ve. Tutan ahhin Asia ram Tuluk, Russia ti bantuk le a dang hna zong nih tangka zei mawzat an bawmh hna lai caah fawite ah an tlu colh kho lai lo.
Cun Ralhrang ralkap nih le nawlngeihnak a lak mi kilvennak ding ah kan ram thilchuak le chawlehthalnak vialte cu Tuluk le Russia le a dang ah a pawn dih lai. kum 40-50 ca in a pawn dih te lai i a hmuh mi tangka in mipi cozah cu hrawh aa zuam ko lai.Cu tik ah Kan ram le sifahnak cu aa then kho ti lai lo. Tuluk le Russia driver bantuk kan si ko cang lai. Cucaah Ralkap hi kan hrawh cikcek lo ahcun a hlan ralkap uknak in kan sungh a fak lai.

Afiang mi cu, Asia ram cheu khat hna nih ral kap lei cawlcanghnak caah an bawmh lai. Ralkap nih kan ram chung thilchuak le chawlehthalnak a pawn dih lai. Ahmuh mi in caan zei mawzat a tuan khawh lai. cu tik ah CDM zong thazaang caan saupi a chuah hrimhrim a herh ve lai.CDM thazaang a dih hlan ah rianrang deuh in kan lo hma hi nawr kan herh. Ramleeng le UN thil ti ning kha zoh hlah usih.

Ramchung minih lo hma ban kan hnawh lawng ah Ramleeng le UN an i hnawh lai. Cucah Zung kai mi vialte riantuan thiam lo in tuah ding, Zung kai mi hna zung an kai ngam lonak ding a lam kawl. Cun CDM luh ruang ah lungre thei mi hna dir kamhnak tha tuah, cu lo ahcun CDM luh aa harh mi an tam lai. A herh si le Civil war chuak ko sehlaw kan lohma tuan ah a dih ko lai. CDM thazang a dih hlan ah lo hma cak deuh in kan nor a herh.
By Rolian

Be the first to comment on "Ralhrang Ralkap thazaang maw a dih hmasa lai CDM thazaang dah"

Leave a comment

Your email address will not be published.


*