Ralkap company nih an chuah mi thil pawl thei khawh nak le hrial khawh nak caah kawlram minfim pawl nih App pakhat an tuah

Ralkap company nih an chuah mi thil pawl thei khawh nak le hrial khawh nak caah kawlram minfim pawl nih App pakhat an tuah

Kawl ralkap cu ramdang nih an mah le an ti khawh tawk in dan an tat ve hna bantuk in ramchung ummi mipi zong nih ralkap nih an chuah mi thil poah poah cawk lo dingin sandah an piah leng mang ve

Ralkap nih an chuah mi thil hmang lo dingin an timi hna ah a tel mi pawl cu U Paing limited ( ralkap company) in an chuah mi Myanmar beer, Dagon beer , Red ruby kuat le kawl ralkap bawi Min Aung Hlaing nih a ngei mi Mytel simcard pawl hi a bia bik in sandah an piah hnawh mi cu an si

Ralkap nih an chuah mi thil cawk hlah u tiah sandah an piah nak a sua pah cang caah beer te pawl kan manh tilo tiah yangon dawr ngeitu nih a chim
“ U paing nih a chuah mi a si tiah an thei hnu cun cawk cu chim lo a hal hrim hrim a kan hal ti lo
Kan tar mi hman ziah nan tar ti tu a kan hal deuh tiah a chim“

Ramchung restaurant hmun tampi ah cun ralkap nih an chuah mi beer te pawl cu zuar a ngah lo tiin ca hna an tar i cheukhat dawr ah cun Myanmar beer signboards an tar mi hman an lak than dih cang tiah theih a si

Ralkap company nih an chuah mi thil pawl kan cawk hi cu mipi hrem nak ding ah ralkap pawl phaisa kan pek he a lo caah ralkap nih an chuah mi thil pawl cu hmang lo dingin bia kaa chah cang tiah yangon um mi pa nih a chim


Mytel simcard zong hi ka
hrawh/den dih lawng si loin mah simcard number in phone a ka call mi hman tlai lo dingin le chim dih ah cun zeitik hman ah hman khawh lo dingin tuah kan i timh tiah Sandah piah lutlai pa nih a chim

Kawl ralkap bawi Min Aung Hlaing nih hin mah Mytel Simcard lawngin kum 10 chungah a miak a hmu mihi US ting700 bak a hmu tiah
Justice of myammar nih an hmu chuah .
Hi ralkap an sipauizi i a miak an hmu mi pawl hi kawlram mipi an hrem ,an tukvel hna i mipi zalawng nak an rawh nak ah a bawm tu phaisa a si tiin justice for Myanmar nih an langter

Tulio cu fim chan a si bangin Ralkap company in thil an chuah mi pawl cu fawi tein kawl khawh nak caah tiin kawlram mino mifim pawl nih Way Way Nay timi App an tuah i phone a hmang mi nih cun lut in hmu khawh a si .
An thil chuah mi pawl cu Boycott kan tauh dih hna lai cun an thil chuah mi pawl cu kan cawk ti hna lai lo i an phaisa lut nak kan phih piak hna lai i a kan kap peng nak kuang zong an chuah than khawh lo nak hnga

Hi bantuk in kan tuah nak a chan cu mipi pawl zong nih lungkhat thinkhat tein a kan tel pi ve ko lai ti ruahchan nak he mah App hi kan tuah mi a si .
Tuhi mah App a hmang mi zong an tam ngai cang hna
Mah App hmangin ralkap an thil chuah mi pawl cu an zoh i an cawk ti hna lo ti zongin kan thei tiah rian ngei tu nih a chim

Hi Way Way Nay App ah hin ralkap he a pehtlai mi business 150 leng an theh
Fimnak lei ,sipauizi lei , phaisa bank he eidin lei he an i pehtlai mi company Business tling tein an tel chih dih tiah thei a si

Sources-RFA

Be the first to comment on "Ralkap company nih an chuah mi thil pawl thei khawh nak le hrial khawh nak caah kawlram minfim pawl nih App pakhat an tuah"

Leave a comment

Your email address will not be published.


*