Ralkap, USDP le NLD zumtlak an si lo ning hi, an thil tuah ning hi fih a nung tak tak ko hi

Jacob R. Thang nih a ttial mi hi a dik bak mi si, an si ning theih dih a si hnuah ralka, USDP le NLD a vote mi cu. Pohmah 261 remh a rak duhtu hi kanmah (NLD) le Tlangcungmi kan rak si. Remh a duhlotu cu an mah USDP hi an rak si ko. A hlan Hluatdaw ah 261 remh dingin kan chuahpi nain USDP nih an rak duhlo. Atuahcun Tlangcungmi lemnak caah an i duhtermi asi”
A hlan ahcun remh kan rak duh ko nain Atu ahcun NLD nih pohmah 261 remh hi kan duh ve ti lo.

Kan duh lonak a ruang bik cu Hluatdaw ah Ralkap 25% anum caah asi. Ralkap 25% hluatdaw ah anum chung cu Tlangcungmi nih an ram ah Hruaitu Cozah taktak an ttuan kho lai lo ti kan ruah caah asi”………. tiah NLD Monywa Aung Sin nih a chim.

Monywa Aung Sin bia kan zoh tik ah hnuhmai aa rual lo tuk. USDP cozah an tuan lio ah ralkap 25% an rak um ve ko. Ralkap 25% umko bu ah pohmah 261 remh dingin NLD nih an rak duh ko khah. Atu acozah an van tuan bak in Ralkap 25% um ruangah pohmah 261 remh kan duh ti lo ticu zumhawk umlomi asi.

A ngaingai tiahcun USDP le Ralkap zong nih pohmah 261 remh hi an duh lo. USDP nih NLD tihramnak ah remh dingin a chuahpi ve sawsawh khi asi. NLD nawl aa cawn ve kan ti lai cu. NLD zong nih a hlan ah USDP tihramnak ah Pohmah 261 kha remh a rak i duhter bia khi asi ve. 261 cu Federal luhnak Innka asi. NLD siseh USDP le Ralkap siseh ahohmanh nih 261 remh taktak cu an duh lo tinak asi ko. An mah Kawl le Kawl i tihramnak caah Tlangcungmi hi sio ah an kan tarh sawsawh mi asi. Federal Innka (261)hi mizei Kawl hmanh nih remh an duh taktak lo ti kha kan ifiang a hau. Mihrawkhrol lawngte ansi. Kanmah Tlangcung Miphun dihlak lungrual kan hau cang. Kanmah kong cu kanmah tein kan i tuaktan awk asi caah Miphun Party kha dirkamh cang hna usih. Ref-Jacob R. Thang

Be the first to comment on "Ralkap, USDP le NLD zumtlak an si lo ning hi, an thil tuah ning hi fih a nung tak tak ko hi"

Leave a comment

Your email address will not be published.


*


error: Content is protected !!