Ram tampi economy a tla lio ah china cu a kai chinchin.

Coronavirus Pandemic ruang ah vawlei ram kip cu an economy a tla lio ah china cu nikum nak in 4.9% percent in akai, China hi ram rampi nih huatmi ram ah a chuah ko nain , a nih cu a fim zer caah le a cozah nih nawlh chuah mi tha tein an ngai caah hitluk vawlei cung ramkip sunghzatlak in an um lio caan ah China cu a thangcho chin.

 

China cu coronavirus nih a tlak hmasa bik mi ram an si ko nain ka ram economy nih a tuar tuk sual lai tiah ram hruaitu hna nih an sining dihlak in coronavirus in an luat tuan khawh nakhnga an i zuam hmasa i, vawlei cung ramkip ah covid-19 atuar lio caan ah an nihcu hnagam tein an um cang i, an ram economy riantuannak lei ah het tiah thangzaang an chuah tthan hi a si, Aram hruaitu hi an fim khuakhang ning an thiam tinak a si.

China ram cu Coronavirus nih an rampi a van den tikah ram a cozah nih nawl an chuah mi kha tha tein an ngai i,an ram a cozah ram a cozah thangchonak ding ahcun damnak hi a herh hmasa ti an fiang tuk caah coronavirus zong caan saupi an rak tuar lo hi a si, US le ram lianngan cheukhat cu sibawi le thiamsang hna nih chim mi zei rel loin mah le duh ning in khua a sa mi rammi an tam tuk caah tuni le caan tiang ahhin covid hi a tlau kho taktak lonak a si.

 

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

Be the first to comment on "Ram tampi economy a tla lio ah china cu a kai chinchin."

Leave a comment

Your email address will not be published.


*


error: Content is protected !!