“Ramhnihnak ah um mi, US ah chungkhar a ngeih mi caah thawngpang tha tuk mi” tiin ka ttial ko lai

Ramhnihnak ah um mi Chin Refugee ka/kan lungput le ruahning a dik lo tuk caah maw si lai? mah kong hi ka it lio ah ka ruah le ka it kho bak lo. Trump ruangah ramhnihnak ah um mi Refugee pawl caah ruachannak a tlawm tuk cang. Khrifah caah President tha bik a si ti ka theih i, President hi a voihnihnak caah tling tthan seh ti ka duh ngai, natein Refugee lei kap in ka zoh ah cun kan caah cun a tha bak lo. Ka lungre a theih tuk cang, Trump  a thil tuah ning ka ruah ah hin. Atu hi President Trump hi India ah a um lio a si. Refugee pawl kan caah ramthunak ah kal lam a um tuk lo cang caah le Trump President a si ruangah Refugee a si mi pawl kan lungre a theih ning kan vun tuak tikah, “Delhi ah um mi Refugee pawl, US ah chungkhar a ngeih mi nan um ah cun vanlawng ngantuk mi in ka ra le, ka kir tthan lai caah thil a kuat duh mi poah nan um ah cun free bak in kan phur piak hna lai” vun ti seh thawngpang tha tuk mi a si lai ti bantuk tete ka ruah caah zan ah ka it kho lo. Mah bantuk tete ruang ah it kho lo tiang ka um mi hi ramhnihnak ah um mi Chin Refugee ka/kan lungput zong hi a hmaan ti ruah lo, ka/kan si ning zoh tikah zaangfah ka/kan si. Fa le siang inn a kai ter khawh lo mi tampi ka/kan um. Company ah rian ka/kan ttuan zongah fa le sianginn ka/kan kaiterh khawh hlei lo, ei ding ka/kan cawk i, inn man ka/kan pek hnuah lakha ka/kan hmuh mi cu a dih ko.  ka/Kan ram ah kir ah cun a si khawh ttung lo. Refugee ka/kan si ning ka/kan ruah tikah ka/kan lung zong a hmaan ti lo. Ramthumnak ah um mi le Laitlang lei ah um mi nih ka/kan si ning hi 100% an theih thiam lai lo. Ramhnihnak ah um mi Chin Refugee ka/ kan dirhmun a tha lo tuk cang caah ramthumnak ah um mi pawl kha fakpi in Chin Refugee ramhnihnak ah um mi ka/kan hrut dih hlan ah hin fakpi in rak i zuam cio tuah u.

Be the first to comment on "“Ramhnihnak ah um mi, US ah chungkhar a ngeih mi caah thawngpang tha tuk mi” tiin ka ttial ko lai"

Leave a comment

Your email address will not be published.


*


error: Content is protected !!