Ramthunnak ah Chin tam biknak Indianapolis pa nih Corona Virus zawtnak a chonh ning hi i ralrin nak caah hmang cio hna u si

USA zong mah zawtnak ruangah fakpi an buai lio a si. Vawlei ramkip nih a buaipi ngai mi le mi tampi nih an thi pimi Corona Virus nih vawleicung thinphan lo in a chia lio caan a si. US zong mah zawtnak ruangah fakpi in harnak a tawn ve lio a si i. House nih emergency fund caah 8. billion tangka cu House ah passed a tuah cang. US ah mi 15 an thi cang i, minung 329 nih mah zawtnak hi an chonh cang. USA state pathum ah State of emergency phuan a si cang.

Zahan ah Indianapolis, Marion Country ah um mi cu mah zawtnak (Corona Virus) hi a chonh tiah Indiana State Health Commissioner Kristiana Box nih a chimh. Amah hi a min langter a si lo i, Indianapolis ah mah zawtnak a ngeih hmasak bik a si. Atu hi Isolation Ward ah chia a si i. Natein a dirhmun cu a chia tuk lo i, amah hi ni 14 chungah isolation ward ah chia a si lai i tiah a chim. Mah bantuk in Corona virus a ngeihnak ruang kristian Box nih a chim ning ah cun, amah hi Boston lei ah a va kal i, mah bantuk in khual a tlawnnak ah mah zawtnak hi a rak chonh mi a si tiah a chim. Source-Fox59

I ralrin tak tak a herh. A si khawh ah cun atu lio mah bantuk in thawngpang a si caah rian ttuannak le inn ah long um ding a si, khual tlawn hi a si khawh ah cun hrial i zuamh hna u sih.

 

 

Be the first to comment on "Ramthunnak ah Chin tam biknak Indianapolis pa nih Corona Virus zawtnak a chonh ning hi i ralrin nak caah hmang cio hna u si"

Leave a comment

Your email address will not be published.


*


error: Content is protected !!