Republican, minung 8 caah cun Ruulhnu Raal Hmai ti an chuak cang

Donald Trump nih zaa remruam ko cang seh a ti. a suum kho ti lo, Republican pawl, amah dokalhtu minung pariat cungah a thinhun nak a phuan cang. President Trump bantuk in a voihnihnak election ah vote tam a hmu chap mi a ho hmanh an um bal lo

Natein tutan 2020 election ah vote million 10 leng lo kum 2016 in vote a hmuh mi a tam deuh, natein tu tiang election kongah thawngpang fiang a um kho rih lo, January 6 ah house ah confirm tuah a si te lai

Ma hnuah thawngpang a fiang ceo lai i, Trump nih zeibantuk thil a tuah lai ti cu theih a si te lai. Tu tiang ka sung ti a chim duh lo. Trump nih a chim ning ah cun, Republican minung 8 hna hi keimah ruangah Senator caah thim than an si tiin a chim.

Hi hna pawl republican minung 8 nih heh tiah an doh peng caah aa sum duh ti lo, a lungfah ning a chim ve cang. Trump nih, ” Senator pa 8 hna cu ka kham hna. Mah minung 8 ah Mitch McConnell zong aa tel ve

President thimnak ah hlennak tamtuk a um, election an fir, heh tiah thil thalo kan doh thluahmah lio ah,kan mah Republican minung 8 lila nih keimah tu heh tiah an ka doh than

Hi hna minung pariat nih hin Democrat pawl caah rian an tuan. Mah bantuk in ka cungah ruah nak an neih mi hi ka philh kho hrim lai lo” tiin a lungfak ning a chim phuang cang. President Trump a lungfah ning hi amah Trump bak nih Twitter le Facebook ah a tial mi a si

Senate Majority Leader Mitch McConnell hi republican lei in Joe Biden cu President elect a si ti a cohlangtu hmasa bik a si.

House ah, Biden cu Elect president a si, electoral pawl nih an thim mi a si caah Republican pawl kha electoral challenge tuah hlah u tiah house ah a ti hna

Mah hnuah Mitch McConnell hi Conservative media pawl nih a si ning an chim phuang piak dih i, amah hi China ah company a nei mi a si, Cun anupi hi China a si i, an fa min ah China min an sak ti mi tian zong in an langhter dih cang. Maipar thlongh le tthilh in an sining vialte a dik diar in an theih dih cang hna.

Be the first to comment on "Republican, minung 8 caah cun Ruulhnu Raal Hmai ti an chuak cang"

Leave a comment

Your email address will not be published.


*