RIP: A Poi Tuk E Tuzing Ah Hakha Ah Pu – Sang Tha Lian Nih Hti Awh Nak In An Kan Liam TakSi

Chinmi phun lakah mah le mah ai that mi le, hri ai awk mi thawngpang chia theihding hi a tam lem loh nain, tuzing December 15 ah thawngpang chia le theih a har ngai mi cu a rak thang ko. Hakha khuapi sizung riantuan mi pawl um nak hnu ah Chinmi pakhat cu thingkung cung ah hri i ai awk i a thi mi an hmuh.

Zeitik ah dah ai awk mi a si le zeitin dah thil sining hi a si timi an thei rih loh i, hngakchia ai chawk mi pawl nih an va hmuh mi a si. Cuti hngakchia pawl nih an hmuh mi mithi cu thinkung cung ah a ruak in a rak i thlai i a ke nih vawlei a tongh cun a ke ah thisen a um.

Ai awk mi cu sizung ah a dam lo ruang i a um mi a si i a hohmanh theih lo tein sizung hnulei ah a thli tein a vai awk mi a si. Amah cu Hmawngtlang khua in Hakha khua Dawrhlun kuattit sang ah a um mi Pa Sang Tha Lian ( kum 32 ) a si.

A ruak cu zingka ai chawk mi hngakchia pawl nih an hmuh mi a si i, Cuticun hngakchia nih midang an va chimh hnuhna ah a ruak cu an lak i tuchun ah hin vuinak programe hmangding an si.

Mit i a hmutu pakhat nih cun “ Hngakchia pawl nih an va hmuh mi a si. A ke ah thisen a um i a ke nih vawlei a tongh. Amah cu sizung ah damlo in um mi a si i nupi fa le nei a si,” tiah a ti. ( Lawrkhawm )
Credit : Vapual Auaw

Be the first to comment on "RIP: A Poi Tuk E Tuzing Ah Hakha Ah Pu – Sang Tha Lian Nih Hti Awh Nak In An Kan Liam TakSi"

Leave a comment

Your email address will not be published.


*