Saisih Tlangau nih Vice President Henry Van Thio nih Tikir Dam le Ralzam 100 a laknak kong a ttial mi cu Salai Van Tha nih fakpi in a let

Tikir DAM hi Halkha maw Tlangtlang ah rak tuah sehlaw a ttha tuk hnga, Pu Henry Van Thio hi a rak i palh cikcek ko cang lo maw? Aruang cu Tikir DAM cu visitors an um ti lo. Azoh khenh tu kong ah an buai fawn cang ti a si. Chin mi nih kan theih bantuk in Pu Henry van thio nih vicepresident achuah le caangka in an khua Tikir ah DAM cu phaisa rel cawk lo dih in aser.

Mah arak tuah lio ah hin chin mi mi fim kan pa le pawl aho hmenh an hna atla lo, aruang cu mah ka hmun hi chin ram huap in tthan cho nak asi kho lai lo ti mi vision an rak hmuh cang, visitors zong an um te lai lo ti mi an theih cang, asi nain Vice President asi caah ralkap cu aho hmenh nih el ngam an si lo caah holh lo te in an um cio.

Points 2 nak paletwah ral zam 100 reng lo cu pu Henry vanthio nih an khua tikir khua ah a lak hna attha tuk mi asi, asi nain TIkir khua ah khin atam bik kum 10 cung an um khawh zumh asi lo. Aruang cu ram an nei lo lung hmun a si lo tuah nak le lei kuang tuah nak anei lo mi khua an si. Cu caah minung 100 cu an karh te lai i-zei tluk in arum zong ah acawm kho thai hna hnga maw ti hi ruah lo awk attha lo.

Khah a point – chim duh mi tak tak cu -President zong asi peng kho lo mi asi caah hmia lei kong chim khawh asi lo. Tikir DAM atuah mi le refugees mi nung zakhat alak mi cu chin mi hna – upa te kut ah rak chia seh law zung zal ca asi hnga. Dam cu visitors an um ti lo an zohkhenh kho thai lai lo. Hakha ah Thantlang ah rak tuah seh law ahmun mi asi ko hnga, Chin upa te duh mi zong asi. Lai mi cu bawi zia kan thiam lo. Kan si khawh le caangka in kan unau kan khua kan tlaang ah kan kal colh. Hi hi ruah nak bi tak tak mi asi.

Tikir DAM cu khua pi ah rak tuah seh law visitors zong an um peng lai/ chin ram tthan cho nak zong asi hnga. Tourist zong nih an zoh duh lai. Mi fim tiah kan ruah mi vicepresident nih ramtaang ah mi um lo nak ah refugees 100 le DAM a ser mi hi apalh sual hnga maw ? Chin upa hna le mifim hna nih annceih tuk cang ko hi ta! Asi te lai kan ti ttheu, Tikir myo ser cu ahar ko rih lai kum 30 cu arau ko rih lai. Crd: Saisih Tlangau FB Page

Note: Letnak, A cunglei ca ttial mi hi Saisih Tlangau nih a mah hmu ning in a ttial mi a si. Dam hi Tourist caah an tuah bal lo, Mei an hmuh khawhnak caah tuah mi a si caah Dam le Tourist petlainak a ngeih lo. Tikir khua mi caah dam a tuah piak a si ko. Cun ral zam 100 reng lo a lak mi hna hi a palnak a um lo. A lak lo ah cun an umnak a um tung lo, ralzam a lak ruangah Tikir khua ah zungzal in an um lai tinak a si lo ti kha Saisih Tlangau nih rak theih se. A chuakehnak khua caah ro a vui mi a si, mah bantuk cu vawlei ah a tlung zungzal mi thil a si caah a thatlonak pakhat hman chimh ding a um lo. Crd- Salai Van Tha Fb

Be the first to comment on "Saisih Tlangau nih Vice President Henry Van Thio nih Tikir Dam le Ralzam 100 a laknak kong a ttial mi cu Salai Van Tha nih fakpi in a let"

Leave a comment

Your email address will not be published.


*


error: Content is protected !!