Salai Da Mun Mang thihnak kongah Kalay sibawi pahnih nih bia an vun chimh ve cang

Salai Dan Mun Mang thihnak kongah mipi an lungtlin lo , Mipi an thin hun tuk cang caah Kalay siizungah rian ttuan mi siibawi pahnih nih mipi sin ah thil sining chimhnak an vun ngeih ve cang

Dr. Aung Myo Win nih a chimh ning ah cun “hmasabik ah ka chimh duh mi cu, thihnak a tawn mi Mun Mang cu kan tuarpi ve tuk i, kan zaangfah tak tak ve tiin a chimh hmasa. thil sining cu, Januar 26 zan suimilam 11:30 ah damlo pa hi palik nih siizung ah an rak chia. Mi damlo pa hi thatein bia chawn khawh a si ko. Asinain zu a ding ti mi cu a zohtu siibawi nih fiangtein a chimh.  Mi Damlo pa cu thatein kan zoh tikah a thisen kal ning zong a tha i, amah zong nih thil sining zeipaoh kha a theih khawh ko. A thisen cu atlawm tuk caah, pek a hau ti kan theih, A thisen hi O a si. CT scan tuah ding in thaizing nazi 2 ah caan kan hmuh. Mah  hlanah hin a herh mi vialte cu pek a si. January 27, zinglei suimilam 8hrawngah damlo pa cu siizung ah a rak phan. Damlo nu cu thil sining vialte fiangtein chimh dih a si.  A herh ning poah in thil kan tuah konain, January ni 27 suimilam 1:55 ah  a nunnak a liam. A thihnak ruang bik cu a lu a khawn mi kha a fak tuk caah a si. Amah bantuk in Accident ruangah a lu a khawnmi siizung ah a ra mi hna minung 10 lakah 8 cu an thi i 2 hrawng lawng an dam. An va dam ko zongah an lung a fim tak tak kho ti lo ti zong kha kan theih tiin a chimh.

Dr. Hla Kyaw nih a chimh ning ah cun, siizung ka phan tikah Mun Mang hi a rak tha ngai. natein a mit a dup ,a um dan in ttihnung tuk mi acung ah a tlung ti kha ka theih ko. Mun Mang hi a lu a khawnnak a fak tuk caah a dam khawh ti lo mi a si ko tiin a chimh.

 

Be the first to comment on "Salai Da Mun Mang thihnak kongah Kalay sibawi pahnih nih bia an vun chimh ve cang"

Leave a comment

Your email address will not be published.


*


error: Content is protected !!