Salai Elaisa Vahnie nih Refugee kum 2020 caah US Congress ah bia a chimh mi cu

US President Donald Trump acozah nih 2020 Budget Kum chungah ralzaam 18,000 lak a timh. Mah chung ahcun Chin ralzaam a tam khawh chungin telh dingin US Hlutdaw (Congress) ah kan hal, tiah Salai Elaisa Vahnie nih a chim. Salai Elaisa Vahnie cu October 21 in 23 tiang kha Washington DC ah kan Miphun le Ram caah U.S. Cozah le Congress sinah bia chimnak le meeting a ngei, i Malaysia le Inda taang Chin ralzaam dihlak nan kan lak piak a herh ko, tiah a naw than hna.

“President Trump nih hmai kum FY2020 ah ralzaam 18,000 lawng lak a timh. US tuanbia ah a tlawmbik asi. Sihmanselawh atutiang ah minsen a thut rih lo. Tam deuh kan lak piak ko uh, tiah US congress ah kan nawlmi a ruat than i a si ngah maw, tiah kan ruah. “Amah ruahnak aa thlen duhlo hman ah mah 18,000 chung ahhin Chinmi a tam khawh chungin kan i tel khawh ding kan nawl chih,” tiah Salai Elaisa Vahnie nih a chim.

“Chin Ralzaam a um a herh ti lo tiah kan ti asi ahcun Kawlram Constitution le Institution fek tein remh ta ding le, federalist democracy ser hi a herh ko. Cu kan ser khawh lawng ah refugee kan um ti lai lo. Ser khawhnak ding caah US Cozah nih bawmh a herh,” tiah US Cozah he meeting an tuahnak ah a chim. “Biaknak le Miphun thleidan loin, democracy hruainak chungah zalong tein tlangcungmi pawl nih an i hruai khawh hlan lo cu remdaihnak taktak a um kho lai lo.

Zei tik poah ah ral a tho tthan kho peng. Cucaah ram hruainak a hrampi constitution rem hi a herh khunnak a si,” tiah a chim. Pu Elaisa Vahnie hruainak in tum kum March, May le July thla ah Chin Refugee Advocacy Group nih US cozah an ton i, Malaysia le India a taang rihmi Chin ralzaam dihlak hi kum 3 chung ah rak kan la dih cang ko uh tiin an rak nawl, tiah kan theih. Credit: Chin Express

Be the first to comment on "Salai Elaisa Vahnie nih Refugee kum 2020 caah US Congress ah bia a chimh mi cu"

Leave a comment

Your email address will not be published.


*


error: Content is protected !!