Kan theih bantuk in Kalay Techonology Siangheirun kai cuahmah mi Salai Dal Mun Mang cu January 26.zan siumilam 11:30pm hrawngah ruahlo pi in bike accident in a nun nak a liam i,Salai Mang Mang a thih ning le bike accident a ton bak in Kalay Pituh Sizung ah kalpi a si.Sizung an phanh bak in Sizung rian t’uantu or nawlngeitu Sibawi te hna nih cun mizaw nan rak chiah mi hi a chung khat,rualchan nih theihpi nak minthut nak an ngeih lo pin ah a ho hmanh a rualchan an um lo caah ti in zoh duh lo bak in January thla 27,zinglei suimilam 10 tiang zoh duh lo bak in an chiah.

Salai Mang Mang bike accident a ton ka in Pituh sizung a va kalpi tu le a vachia tu hna hi Palik bak an si ko na in zei hmanh tuah piak duh lo in mah ti cun an va chiah sawhsawh.cu pin ah Pituh Sizung rian t’uantu Sibawi te hna nih Salai Mang Mang hliamhma cu t’ha tein an zoh duh lo pin ah a rualchan hna zong mi zei an si ti kha an dothlat piak duh fawn hna lo.mah ti cun an ihter sawhsawh in puan vurh hmanh pe duh lo in Salai Mang Mang um nak pawngah mizaw damlo mi hna nih an zaangfah caah an puan cu a vurh ve.

Kalay Pituh Sizung rian t’uantu Sibawi te hna nih Salai Mang Mang cu a taksa thisen a chuak mi zong an thenh piak duh lo pin ah mizaw zual ca zin zawngah an chiah duh fawn rih lo tik ah mah ti cun caan sau pi an chiah hnu in Januaruh 27,zaan suimilam 10 hnu lawngah zoh khenh tik ah chawnh kkhawh ding a si ti lo i a nun nak a liam hi a si tiah theih a si.hi rungah Salai Mang Mang hawi le Kalay Techonology Siangheirun a kai cuahmah mi hna a thih ning dothlatnak an tuah tik ah a lung a tling lo.

Kalay Techonology Siangheirun kai lio mi Salai Mang Mang thih nak konghe pehtlai in Pituh Sizung chung um mi, mizaw damlo hna nih thil sining fian tein an theih mi cu mipi nih chim rel a si tik ah Kalay Techonology Siangheirun Ngakchia,Amang hawi le hna nih an theih i,thil sining dothlatnak an tuah tik ah Kalay pituh Sizung cungah an lung a tling lo tik ah zei bantuk hrem nak dah kan pek ve hna lai tiah a tu hi tawlrel cuahmah a si.a mah belte hi kongah Kalay Techonology Siangheirun nih zei bantuk in dah Kalay Pituh sizung cu an tawlrel lai tiah biafiang theih a si lo na in mithi hawi le hna nih kan duh hrimhrim lo tiah thil pakhat khat Pituh Sizung cungah tuah an i tim tiah theih a si. worldnewsforchin