Salai Tuan Thang nupi Daw Hlah ralkap nih an tuah ning cu zaangfah tuk a si

Rakhine ram, Aam peng. Maung Taw khua ah thil a tlung mi a si. Ralkap nih Salai Tuan Thang nupi an hrem ning cu a rapthlak bak ko. Kum 51 a si lio mi Salai Tuan Thang cu ralkap nih AA tapung he petlainak na ngeih tiah an ti. A inn ah an va kal hnaw i, a inn an dap dih hnuah Salai Tuan Thang an hmu lo. Salai Tuan Thang hi khual a rak tlawn lio a si. Natein a nupi Daw Hlah kum 44 le a fapa Mg Kyaw kum 21 mi cu inn ah an rak um. An nufa in ralkap nih fakpi in an velh, an phawm thluamah hna

Nufa hna cu hri in an tem hna i,  ralkap pawl umnak ah an chia hna. Bia tampi an hal hna i, ralkap nih Daw Hlah ih ke cu namte in an at i Daw Hlah nih a celh bak lo, cu lawng si loin, a khup ah tisa in toih i a hma a ngan ngai.  Tuan Thang Cu Maung Taw Khua ah dawr ngangpi a ngeih mi a si i, a dawr ah thil a zuar mi cu ralkap pawl nih an hrawh piak. Thlanglei Laitlang le Rakhine ramri ah um mi cu AA le Kawl ralkap pawl idohnak ruangah harnak tampi an tawn chin lengmang lai tiah zum a si

Be the first to comment on "Salai Tuan Thang nupi Daw Hlah ralkap nih an tuah ning cu zaangfah tuk a si"

Leave a comment

Your email address will not be published.


*