Scientists hna nih US ram state kip cu “Covid-19 Second wave” nih a phan mi State zeizat dah a si cang tiin hlathlainak an tuah.

Scientists hna nih US ram state kip cu “Coronavirus Second wave” a voi2nak hri leng a tuar mi hna hi state zeizat dah a si tiah hlathlainak an tuah i, cheukhat state cu a voi2nak hri leng kan tuar cang timi hmanh an i hngalh lo tiah Tuni ahkhan hlathlaitu hna nih an chim.

US ram cu a kau tuk caah le state tampi umnak ram a si caah 31 states cu coronavirus second wave, a voi2 hri leng an tuar cang cu hna lak ah micheukhat cu kan state nih hrileng a voihnihnak kan tuar cang ti hmanh an i hngalh lo, an mawh lo a ruang cu a damnak a tha ko mi le a thazaang a thawng mi nih Covid-19 hri an kai mi cu, aa hnalh lo tuk mi dang nihcun hngalh khawh a har ngai mi a si, cu hna nih a leng ah chuak in mipi he a van i cawh tikah hi pa hi cu a dam lomi a si tiah hngalh khaw a si lo tiah an chim.

Second Wave a zual biknak state cu Florida, Ohio, Pennsylvania le Washington, DC ahhin a voihnihnak hri aleng cuahmah lio a si i, cheukhat state cu hlathlainak an kalpi cuahmah lio a si i a dam cia mi zong a zaw tthan mi a um len , hlathlainak an tuah cang mi state ah Second wave nih a phan lo mi hna state cu California, Texas le Georgia hna hi cu first Wave lawng nih a phan rih hna i, hri kai thar pakhat hnih cu an um thiamthiam rih ko, New York le New Jersey first wave lawng a si rih tiah an chim nain a hnu ah Second nih a den ve hna tiah Hlathlaitu team nih an langter than. Source New York Post.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

Be the first to comment on "Scientists hna nih US ram state kip cu “Covid-19 Second wave” nih a phan mi State zeizat dah a si cang tiin hlathlainak an tuah."

Leave a comment

Your email address will not be published.


*


error: Content is protected !!