Si lei thiamsang hna nih Covid-19 kong ah Chungkhar nu le pa nih hngalh hrimhrim a herh mi.

Si lei thiamsan hna le Doctors hna nih chungkhat nu le pa nih ka fa hi covid-19 positive a si maw si lo tiah  hngalhnak le  covid-19rai nih ngakchia cung ah a riantuann a lang ning cu nu le pa nih hngalh hrimrhim ding in ralrinnak an pek hna.

Chungkhar nu le pa nih  fa le covid-19 zawtnak a ngei tiah na theihnak ding cu Taklinh, vun ah a sen bo tete chuak, taksa phing, khuh, thawhchuah har, hnar pik in rim theih lo, hrawmfak, ttangfah, lufah ti bantuk in an um ahcun, covid-19 in a zaw kho mi a si caah Doctor sin panh in i check ding tiah chungkhar nu le pa cu ralrinnak pek an si.

Aliam cia mi April thla in khan Doctors hna nih Europe ram le America ram ah ngachia le mino tampi Covid-19 zawtnak a ngei ko nain nu le pa tampi hna nih an fa le covid-19 zawtnak an ngei kha a hngal lo, Covid-19 zawtnak hi a dang zawtnak bantuk in pum cung ah alang lo caah fawi tein theih a har ngai, a ngan a dam mi le a taksa a thawng mi cung ahcun an mah a positive a ngeitu hmanh nih Covid zawtnak ka ngei tiah an i thei lo, caah mi tampi he an cawh peng tikah hitluk in Covid-19  karh a fawi  mi a si, a derthawm mi tar le ngakchia sin a va phan tikah a nunnak caah tih a nung ngai mi a si. , a ngandamnak a tha mi cu a dam than ko nain a ngandamnak a tha lomi sin a va phanh tikah an nunnak caah ttih a nung tuk tiah Doctor hna nih an chim. USA TODAY.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

Be the first to comment on "Si lei thiamsang hna nih Covid-19 kong ah Chungkhar nu le pa nih hngalh hrimhrim a herh mi."

Leave a comment

Your email address will not be published.


*


error: Content is protected !!