Siang a si hrim lo!!. Fa 3 a ngeih lio mi, Atu lio zawtnak ttih nung ngai mi doh ding ah hmasa bik ah a dir tawn nu cu ICU a phan ve cang: A kong an chim mi hi uar um tuk

Atu vawlei ramkip nih an buaipi ngai mi le an ttih ngai mi  coronavirus ruangah vawlei cungah sibawi tha nih an thi pi thluamah cang. Covid-19 zawtnak nih a tlaih mi hna, zaangfah a si ngai mi hna cu ba ti zong chim kho lo bak in a zoh khentawn nu, zawtnak a ngeih mi caah fakpi in amah pumpak a pek mi “Frontline” ah a dir tawn nu fa 3 a ngeih cang mi nurse kum 36 a si lio mi Areema Nasreen cu Coronavirus zawtnak nih a chonh ve cang i, a tu hi ventilator hmangin a mah hi zohkhen lio a si.

Amah hi a rian ah zum awktlak ngai in rian a ttuan mi a si. A rian ttuannak in mah zawtnak hi chonh khawh ka si ti a theih, a fa le pathum zong ruah hman lo in Covid ruangah damlo cu fakpi in a zohkhen hna i, Thi le dam karah a um lio zongah a rian cu fiang tein a theih i, mi dang caah thi tiang rian ttuan ding mi ka si ti kha fiangtein a theih. Atu cu midang a zohkhennak in Covid hi a chonh ve caah amah tu ventilator hmangin zohkhen lio a si. Amah hi Covid positive ti a theih bak in rian ttuan kho lo in bah ngai in a um i, Walsall Manor Hospital, West Midlands ah chia a si. Atu hi Nasreen hi ICU ah ventilator in zohkhen lio a si

Nasreen unau nu Kazeema nih a chim mi cu, ka unau nu hi fa pathum ngeih lio a si, a fa le kaltak in mah bantuk in mi caah rian a ttuan mi le mah deadly virus zawtnak hi ka chonh kho ve ti theih bu in a rian ah zumawktlak ngai in rian a ttuan i. Midang an dam khawhnak ding caah a si khawhtawk in a zuam i. Mah bantuk dirhmun hi ka phan te lai ti a theih ko buin a rian kaltak a tim bal lo. Natein atu cu mah ttih nung ngai mi zawtnak Covid nih a tlaih ve cang i, ICU a phan ve cang. Ka unau nu hi a ngandamnak a tha ngai mi a si. Natein mah zawtnak nih tlaih i mah bantuk in a dam lo mi hi zeitluk in dah mah zawtnak hi ttih nung ti fiangtein a lang. Mah zawtnak hi kum upat caah longah ttih nung si loin mi vialte caah tih nung tuk mi zawtnak a si ttin a chimh. Ref : Dailymail

.

Be the first to comment on "Siang a si hrim lo!!. Fa 3 a ngeih lio mi, Atu lio zawtnak ttih nung ngai mi doh ding ah hmasa bik ah a dir tawn nu cu ICU a phan ve cang: A kong an chim mi hi uar um tuk"

Leave a comment

Your email address will not be published.


*


error: Content is protected !!