Sibawi Ron Daniels, Coronavirus damlo zohkhentu nih, Coronavirus damlo an thi hlan te ah, a sin ah an hal tawn mi a chim mi cu ngaihchiat bak si ko

Thawngpang tha chim ding a um lo, Dr. Ron Daniel Birmingham Hospital ah sibawi a ttuan lio mi nih a chim mi a si. Sibaw, nurse le support staff pawl nih har an ti bik mi cu C-19 ruangah damlo pawl nih an thi hlan ah an chungkhar hna an hmuh kho ti lo caah, an thi lai tiah an nih theih cang hnuah skype hmangin an chungkhar sin ah mangtha tiah bia an chawn tawn mi cu celh ding a si lo, mitthli tlak loin um khawh a si lo tiin a chim.

Damlo ruangah a thi mi hna cu, an thi hlan ah an chungkhar dihlak he hmun khat ah thuin a dawnnak caan an hmang tawn, natein Covid ruangah a damlo mi hna cu an thih hlan ah an chungkhar a ho hman an pawngah thutngam si lo caah,  Sibawi le Nurse te pawl nih an pawngah thutpi i an caan dawnnak cu kan hmang pi tawn hna mah bantuk caan hi Duty pawl caah celh ding a si lo tiin a  chim chap.

Coronavirus zawtnak ruangah ICU ah um mi Pastor Mark McClurg, A dam lo buin UK PM Boris Jonhson caah thlacampiak tu cungah Pathian thil tuah mi cu khuruahhar bak a si……Coronavirus ruangah ICU ah a um, natein amah hman i ruat lo in UK PM Boris Johnson caah thlacampiaktu cungah Pathian thil tuah ning le a thlacamnak Pathian nih a leh ning hi a sunglawi tak tak. Pathian thil tuah ning hi amak chin lengmang ko, atu tiang coronavirus sii an hmuh lo, natein Pathian nih midang cungah a thiltuah khawhning a langter thluamah lio a si. Pastor, Coronavirus ruangah ICU tiang a phan mi nih a chim ning ah cun “Pathian nih UK PM. Johnson cun ah a thawh a chuah in damnak a ngei khawhnak caah ttin thla a cam piaknak” kong a chim

Pastor Mark McClurg kum 40 hi zarkhat chung cu ICU ah thidengmang in a um mi ve i. A umnak siizung Ulster Hospital in inn lei a lawi hlan ah mah kong hi sibawi le rianttuantu sin ah a chim. Amah hi zumtu tha, Pathian caah fakpi in rian a rak ttuan cang mi a si.  Coronavirus zawtnak ruangah ICU ah thi dengmang in a um lio ah mah bantuk in an ram PM caah thla a cam khawh mi cu uar a um tak tak.

Siizung in a chuak hnuah facebook hmangin mipi sin ah social distancing hi thatein rak zawm u tiin bia a ca hna. Siizung in a chuak hnuah PM Boris Johnson cu ICU ah chia a si. Pastor nih mipi sin ah bia a chim tthan mi cu, ICU ah ka rak um cang i, Coronavirus zawtnak ruangah zeitluk in dah a har ti ka fiang tak tak cang, cucaah kan ram PM Boris Johnson caah fakpi in thlacam piak chin chin hna u si tiin a chim. Atu cu PM Boris Johnson zong ICU in a chuak cang.

A thimi an tam tuk cang. US-ah COVID-19 zawtnak ruangah mi 20,577  an thi cang. A damlo mi hi 532,879  an phan cang. USA caah cun khuaci a mui tak tak. A tu dirhmun zoh ah cun mah zawtnak ruangah USA mipi a thi ding mi minung cu a tlawmbik ah 240000 hrawng cu an thi lai tiah zum a si. Zahan suimilam 24 chung ah minung 2018 bak an thi.

Be the first to comment on "Sibawi Ron Daniels, Coronavirus damlo zohkhentu nih, Coronavirus damlo an thi hlan te ah, a sin ah an hal tawn mi a chim mi cu ngaihchiat bak si ko"

Leave a comment

Your email address will not be published.


*


error: Content is protected !!