Hngakchia kumthum hrawng a si lio mi cu tlaihhrem bak a si ti an fiangter cang. Hngakchia chungah Pa Baw (sperm) hmuh a si cang i

“Forensic Doctor nih ‘court’ ah a chimmi cu ngakchianu takpumah hmaputnak le nu pa sinak kua-ah baw(semen) hmuh a si. Medical examination nih a langhtermi cu tlaihrem bak a si ko,” tiah Dr. Win Ko Ko Thein nihcun a chim. Dr. Win Ko Ko Thein hi biacheihnak hman a um khawhnak lai heh tiah rianttuantu a si, Cawnnithumni zongah khan Court-ah a um tthiamtthiam. Dr. Win Ko Ko Thein chimmi cu “ palik pawl le social media-ah mi tampi nih tlaihhremnak kawng a zum lomi pawl ruahnak vialte cu forensic doctor testimony nih a fianter dih cang,” tiah a chim.

Deputy Police Chief Major General Aung Naing Thu nih July thla press conference ah tlaihhremnak he pehtlai-in a rak chimmi cu misualpa nih hin a kutdong a hman tiah a rak ti. “Hi tlaihremnak he pehtlai-in mi tampi nih bia tampi zong an chim, mi cheukhat nih ngakchianu cu tlaihhrem a si lo, a mah-in a khawng sualmi a si an ti. Sihmanhselaw, Forensic doctor, testimony thawngin vanchiatnak a tawngmi ngakchianu nih biachahnak a hmaanmi a hmuh ka zumh,” tiah Dr. Win Ko Ko Thein nih Journalist pawl sinah ‘Court’ season a dongh hnuah a chim hna.

Dr. Tin Moe Moe Khaing, Forensic doctor nih ‘court’ hmai-ah a chimmi cu “ pa baw(sperm) cu ngakchianu nupa sinak kua chungah hmuh a si, hi thilnih a fiantermi cu ngakchianu hi tlaihhrem bak a si,” tiah a chim hna. Vanchiatnak a tawngminu caah lawyer a simi Daw Ywat Nu Aung nih Journalist pawl sinah a chimmi cu, “ Medical examination nih a fiantermi cu ngakchianu hi tlaihhrem bak a si ko,” tiah a ti. Vanchiatnak a tawngmi ngakchianute cu media pawl nih “Victoria” tiah a mina bunhpiak, vanchiatnak a tawn lio May thla ah khan kum 2 lawnglawng a si. thlaihhrem a tawnnak hmun hi ‘Wisdom Hill Private Nursery School-ah a si.

Zapi ruahningah cun sualnak a tuahtu hna cu School Supervisor, Daw Ohnmar Hlaing fale pahnih kum tling lo mi an puh hna, sihmanhselaw, May 17 ah khan Supervisor mawttawka mawngtu Aung Gyi(aka Aung Kyaw Myo) sinah tlaihhremnak he pehtlaiin complaint-nak rak tuah a si.  Medical Examination an ngeih hnuah Aung Gyi cu June thla dongh lei ah khan tlaihhremnak ‘case’ in luatnak an pek, luatnak an peknak a ruang cu, “ Aung Gyi DNA le ngakchianu takpum chungah pa baw(sperm) a hmuhmi he pehtlaihnak a um lo ruangah a si.

Sihmanhselaw, July 4 ah khan Penal Code,  Article 376 he pehtlaiin Aung Gyi cu tlaih tthran a si, an tlaihtthrannak a ruang cu, tlaihhremnak a rak um lio ni ah khan a mah lawnglawng hi ‘nursery’ sianginn chungah pa a um mi a si, a chungnawh hrehmi ah pa paw(sperm) hmuh ruangah a si tiah Major General Sung Naing Thu nih a chim. Court Advocate nih Journalists pawl sinah cawnnithumni a chimmi cu “ Court season kan ngeih tthan tikah hi tlaihhremnak case-ah lunghrinhmi Daw Ohnmar Hlaing fale pahnih zong biahalnak ah kawh dingin timhlamhnak ser a si lai,” tiah a chimh hna.

Daw Ohnmar Hlaing nih Court sinah nawlnak a hal hna, “ ka fale hi tlaihhremnak he pehtlaiin sual-ah phawt an si tikah lungretheihnak lawngte in caan a hmang,” cu caah cun court nih ka fale hi biahalnak ngei hna hlahseh tiah a nawl hna. Advocate chimningah cun Supervisor nawlnak cu hlawtpiak a si tiah a ti. Dekkhinathiri District Court ah advocate a si liomi U Kyaw Min Aung nih a chimmi cu “ Hi sualnak he pehtlai-in biahalnak a herhmi a um a si ahcun zeibatuk mi paoh court ah khawh an si lai, sualah phawtmi ngakchia pa pahnih hna zong court-ah biahalnak tuah a herh,” tiah a chim chap.

Be the first to comment on "Hngakchia kumthum hrawng a si lio mi cu tlaihhrem bak a si ti an fiangter cang. Hngakchia chungah Pa Baw (sperm) hmuh a si cang i"

Leave a comment

Your email address will not be published.


*


error: Content is protected !!