Sifak Santlailo Kut Riantuan Na Dirkamh Hna An ti I Delhi Chief Minister Cu Innthong ah An Thlak

India ramchung loneitu hna nih cozah bill passed mi kongah duhlonak an langhter. A tu hi zarhkhat hrawng sandah an piahnak a si cang. Zeiruangah loneitu hna nih lungtlinlonak an langhter ti ahcun, a liamcia September thla ah khan India cozah nih farmer hna caah bill an passed mi cu loneitu caah a thalo tuk.

Cozah nih tuanvo la loin anmah tein an tharchuahmi kongah tuanvo la hna seh ti asi. Cu cu loneitu hna caah hmailei ruahchannak a um lo tluk asi. Zeicatiah cozah nih marketing a tuah piak hna lo ahcun, an tharchuahmi thlai vialte cu a lo lak dih ding asi.

Mah kongah biatak tein lungtlinlonak an langhter hi asi. Parliament nih bill a passed mi cu let than seh tiah an ti. India ramchung loneitu vialte an I lungrual thluahmah cang hna. India ram Punjab ah cun thlai hnah hring man vantong bakin a kai cang ti asi. India ram cheukhat ah cun thlai hnah an hringso zong cawk ding a um ti lo.

A tu hi Lo tuahmi hna nih lo thlai an zuar ti lo. Cozah nih bill pass cangmi a cancel than lo ahcun eilo lampawng ah thi dih ko usih an ti. Minung tamtuk motor lam ah an um hna, motor vialte an kham dih cang.

Sandahpiah mi hna tam deuh cu Punjab le Haryana  an tam bik. Nihin zanlei ah  Singhu border ah sandahpiahtu hna phurtu truck 200 a phan chap rih lai tiah HT thawngzamhtu nih alanghter. Delhi palik cu aw-lawkchong in an um cang. Sandahpiahmi an tamtuk  cang caah zeiti tuah awk an thei ti hna lo.

Sandahpiahmi hna cu Delhi CM nih a dirkamh hna. Sandahpiahnak hmun ah a va ton hna ruangah cunglei BJP cozah nawlpeknak in Delhi CM cu palik nih an tlaih I House arrest ah an chiah colh.

Delhi CM hi sifak santlailo caah biatak tein riantuantu le lonei vialte dirkamhtu asi caah mipi nih khuaruahhar in an uarmiChief Minister asi. India ram CM vialte lakah an uar bik mi asi. Atu cu a umnak Inn chuahtak kholo dingin Delhi Palik nih nawl an pek cang.

 

Be the first to comment on "Sifak Santlailo Kut Riantuan Na Dirkamh Hna An ti I Delhi Chief Minister Cu Innthong ah An Thlak"

Leave a comment

Your email address will not be published.


*