Singapore I Riantuan Mi An Fanu Thih Nak Kong Ah A Chung Le Nih Report Nak An Tuah

Singapore ram i rian a tuan mi kum 20 mi Catrene Khoo cu a riantuan nak a pu nih a dehcawh peng, a vuak, bia holh chiachia in a hro, company phunglam na zul loh ti ruang ah chawva an hal ti bantuk buainak ruang ah a mah le a mah tiang ai that mi a si tiah a nu lung tlin lo cun MOM sin ah report a tuah i MOM zong nih cu businak cu an dothlat cuahmah lio.

Khoo cu Singapore i Eye Care company pakhat SLM vision Care ah riantuan mi a si. Rian a tuannak pu Darren Yaw nih cun Khoo cu a nihsawh ngai i a van dam lo can i i dinh ding in a van hal a siah cun holiday i dinh nak can a neih mi kha a rinh piak tawn ti a si.

Culawng siloin holhphun chia ngai in hro a hlawh lengmang i company sianh nak in i dinh a ngah can zong a Company phunglam na zul loh tiin chawva hal a si tawn tiin Khoo hringtu nu nih cun a chim.

Malaysia in singapore i riantuan mi Khoo cu a hawi le i thitumh nak puai hmang ding in, Company nih cun ni 4 caan an rak pek i puai hmang ding cun Malaysia ah a tlung. Asinain, Singapore a kir than cu company contract phunglam zul lo tiah Khoo cu $1,000 hrawng cawi ding in Company neitu Yaw nih cun a rak ti.

Cu bantuk ruangah Khoo cu khawruah har le vansang khuaruah har in a um i a thih phah dengmang tiin a nu nih cun report nak hi kan siam mi a si tiah a ti. Khoo cu 2019 ,December thla ah khan nun beidong in le lungfah ruang ah a mah tein a rak i that mi a si.

A thih hnu kum khat a tling deng cang tiah a nu nih a fanu tuannak company i riantuan mi pakhat sin in an company neitu a sualzia le khoo a rak dekcok zia pawl kong cu a theih i buainak siam in Company neitu Yaw cu hremnak pek dingah a duhmi a si. ( Mothership )

Credit : Vapual Au aw

Be the first to comment on "Singapore I Riantuan Mi An Fanu Thih Nak Kong Ah A Chung Le Nih Report Nak An Tuah"

Leave a comment

Your email address will not be published.


*