Taiwan Caah China Ralhrang Hmaithlak kho Dirhmun

Kumpi kum 4 chung thilsining kan zoh ah cun, President Trump nih Taiwan cu biatak tein a rak dirkamh. US sermi raltuknak hriamnam tamtuk a rak pek. China nih US cu Taiwan kongah dai tein um ding le, raltuknak hriamnam pek ti lo dingin ralring a pek lengmang nain, President Trump nih zei ah a rel piak duh lo, a duhmi poh a tuah thiam thiam ko.

Taiwan nih US sinin raltuknak hriamnam lian ngan tha tha fighters, tankers tibantuk a cawkmi hi a tha taktak mi lawngte an si hna. Taiwan pawngkam ah China nih raltuknak tilawng pawl a kalter a si ahcun a rannak in US nih South China Sea leiah raltuknak tilawng a thlah I China cu a dawi lengmang. Atu cu TRUMP a tla cang I Taiwan dirkamhtu an um ti lo ti a theih cang kain Taiwan he ralthawh dingin kaa manh cang tiah a ti.

Trump chan ah hibantuk bia a chim bal lo, Biden cu China ttapeh/hnuzultu a si caah Taiwan nakin China a kan ttanh deuh ti an theih tuk. A taktak ah China nih Taiwan hi kap sehlaw, Biden cu dai tein a um lai afiang ko. Biden a tlin cu Taiwan caah thinphang ngai asi, Taiwan hram a fek ti lo, Taiwan dirkamhtu an um ti lo caah Taiwan President Tsai caah hna a ngam kho ti lo.

The Bulletin of the Atomic Scientists nih an chimning ah cun, China nih nuclear a neihmi hi cu hlan nakin a letin a tam cang tiah ati. China hi vawleicung ah Nuclear Warhead nei tambik asi kho cang.  Nai te ah Nikki Haley nih achimmi cu, Chinese Navy cu vawleicung ah a thawngbik an si cang lai, US cungah an um cang lai tiah achim.

Hi hi President Trump siseh, Mike Pence siseh an chim lengmang mi a si. Biden nih 2020 thimnak ah teinak a hmuh sual citcet ah cun, China nih US a tei cang tinak a si tiah an ti. Cu cu a tak tak asi khomi asi. China nih US cungkai in thil a tuah thluahmah ngam te lai maw…

Donald Trump hi cawcang zawk zawk cang seh tiah, Taiwan saduhthah le lungthlitum a si.

Be the first to comment on "Taiwan Caah China Ralhrang Hmaithlak kho Dirhmun"

Leave a comment

Your email address will not be published.


*