Taklawng in A Room ah Thlalang Hmai A Dirlio Cu A Fanu nih Hman A Rak Thlak i Minung (15) Bak A Rak Kuat Hna

US,Ohio ah a um mi Emily Schmitt (kum30) cu a tak aa kholh i aa kholh khawh in bathroom lei in a rak chuak i towel aa fenh i a itnak bed room lei ah a lut . A behroom chung a phak cun a towel fenh mi cu aa phoih i taklawngin thlalang hmai ah a sam aa roter . Culio ah cun a fanu kum 2 nute nih a nu phone a rak tongh ia rak ngam ngai . A nu phone cun a nu taklawng um lio mi cu a hnulei in hman a rak thlak len i midang dang sin ah a rak kuat thluahmah .

Emily nih cun ka fanu nih ka nu lei in hman a rak ka thlak i midang dang sin ah a kat hna timi hrim pakhat hmanh a rak thei ve lo . Emily le a pasal cu zarhpini chun (Ontober 11) ah a pasal he inn an va zoh i cu ah cun cakuat pakhat midang sin in a dong . Message cu a van zoh i a riantuan pi hawi pakhat nih “Na hmanthlak kuatmi ruang ah kai lawm” tiah ca a rak kuatmi a van hmuh cun a khuaruah har ngai .

Cuhnu cun a hawinu he cun an i chawn i hmanthlak kong an i ceih hnu lawng cun a fanu nih midang sin ah a taklawng hmanthlak a rak kuat hna timi cu an theihkhawh than . A phone a van check tik ah cun a taklawng hmanthlak pawl cu midang minung 15 sin bak ah a rak kuat hna . A kuatnak minung pawl cu a van check than i a hawikom , a riantuan pi hawi , a sianginn kai ti hawi , a sianginn kailio i a mah a rak uar tuk tu tlangval pa sin tiang a rak kuat hna .

A kuatmi hna pawl hi a mah he aa chawnbia tuk mi an si hna lo caah a thinhung khun .Cu hnu ah cun Emily nih cun “Chikhat te cu ka thi ko , ka nung than i ngeihthiam ka va hal dih than hna ” tiah a chim.Mi thenkhat nih cun capo phun in an rak chawnh ve fawn i a ning zak tuk fawn.A pasal Derek nih cun a fanu te thiltuah mi cu ai nuamtuk i a nihchuak ngai .

Derek nih cun a fanu cu mi phundang bak a si a ti i ” Ka fanu hmanthlak na ka kuat velo cu kai ngeihchiat ngai ‘ tiah capo lei tu in a chim .Online mipi thenkhat nih taklawng kan um lio hna pei kan fale nih live hna an rak thlah tawn ve cu tiah a chim mi zong an um ve .

Source : Dailymail

 

Be the first to comment on "Taklawng in A Room ah Thlalang Hmai A Dirlio Cu A Fanu nih Hman A Rak Thlak i Minung (15) Bak A Rak Kuat Hna"

Leave a comment

Your email address will not be published.


*