Tanka a liam mi a tam tuk cang, an liam terh chap hoi lai,

Actor Moe Aung Yin cu a darling nu a dau ruang ah Tangka ting 100 a liam, hi hnu tampi a liam rih te lai

A ka hlen i a ka dau tiah Kawlram lemcang actor Moe Aung Yin cu a darling nu nih taza a cuai ruang ah nihin December 13, 2019 ah biaceih zung ah a chuak ve. Actor Moe Aung Yin cu pohmah 417 in taza cuai a si i Aa-mah-khan a ngah mi a si bantuk in Tangka ting 100 in Aa-mah-khan an tuah ter hi asi.

Phundang in chim ahcun a darling nu a dau ruang ah tangka ting 100 a liam cang, Biaceih zung lei nih a sual an ti ahcun Aa-mah-khan nak a tuah mi nak tam hmanh a liam kho mi dirhmun a si.

Actor Moe Aung Yin hi a darling hlun nih Yankin biaceih zung ah taza a cuai hi a si i “Nupi ah kan thit lai a ka ti ruang ah nupa sinak zong ka hman pi, phundang in chim ahcun a ka hlen ruang ah a ka sualpi hi a si. A si nain a ka phiat tthan tiah taza cuainak a tuah hi asi.

Tutan ah case hi Model Thin Thin le Wai Lu Kyaw bantuk an si ve. Caan saupi biaceih zung ah an rau ve rih lai. Biaceih zung lei nih a sual ko an ti ahcun a caah dantatnak a fak ngai kho mi asi.

Actor Moe Aung Yin cu rithaisii ruang ah kum saupi thonginn ah tang ding in biachahnak an tuah piak, a si nain kum tampi a tlak manh hlan ah President zaangfahnak in a chuak ve. Thonginn in a chuahnak  hmanh a sau tuk hlan ah tu bantuk in taza cuainak a ton tthan tikah a fan pawl an lung rawk ngai.

Be the first to comment on "Tanka a liam mi a tam tuk cang, an liam terh chap hoi lai,"

Leave a comment

Your email address will not be published.


*


error: Content is protected !!