Tedim pa Coronavirus in damlo mi nih a nu a chonh caah Daw Aung San Su Kyi nih kawlram chungah zulding mi a thlen

Myanmar ram ah Covid-19 in zumh mi hna home quarantine caan cu ni 14 a si tawn, atu hi kawlram chungah a damlo mi an kar chin lengmang caah ni 14 chung home quarantine cu ni 21 a si cang lai tiah Daw Aung San Suu Kyi nih a chim cang

State Councellor Daw Aung Dan Suu Kyi nih cun Myanmar ram chungah coronavirus damlo mi hmuh hmasabik Tedim pa in a ra pi mi cu a nu kum 58 a si mi a chonh. Home quarantine hi ni 14 tuah a si. natein ni 14 hnuah mah zawtnak hi hmuh a si caah mah bantuk in a tuah mi a si tiin Suu Kyi nih a chim

Suu Kyi nih cun Health Ministry nawl ngai ding in Myammar mipi hna cu a nawl hna. Thailand in a ra mi kawl mipi hna cu atu hi inn ah ni 14 a tling deng mang cang i, Coronavirus zawtnak an ngeih le ngei lo cu a lang thlumah cang lai caah ralrin tein um i zuam hna u si. Kawlram nih cun mi pakhat  a zawtmi a um zong ah thatein a zohkhen lai tiah a chim

Covid-19 zawtnak le DFW area Laimi riantuannak company cheukhat thawngpang..,,,,,,,.Tuzarh ninga ni ah khan Western Extrusions (Carrollton ) ah Covid-19 zawtnak a ngeimi an hmuh tiin email a ka kuatu nih a ka thanh. A min cu kan thanh kho hna lo nain zumh tlak minung bak a si. Mah company riantuantu minung pahnih sinah thawngpang hlah hnu ah email in thawngpang a ka pekmi hi a hmanmi a si ko tiin fianternak kan rak tuah hna.

Nai zongah khan Laimi tampi tuannak Kraft foods company (Garland, TX) ah riantuanmi pakhat cu Covid-19 zawtnak an hmuh ve ti a si. Covid-19 zawtnak hi kan kiangkam a phanh cuahmah ve cang caah iralring thiam taktak le humhimnak caah hma biatak tein lak kan hau cang.

Laimi tampi tuannak a si caah ahleice in iralring thiam kan hau,abikin ngandamnak tha lomi le tar ngeimi hna ca hrim ah iralring taktak kan hau. A herh lo ah i lengkai lo ding, kut tha tein i tawl pah lengmang ding a si lai.

Cun, na thawchuah na harh, na khuh na khuh ,na tak a linh le na hrom a fak ahcun Covid-19 zawtnak na ngei maw/ lo tin na chek ah a tha. Na cheknak thawngin nangmah le nangmah ihumhim lawng silloin na innchungkhar le na kiangkam zong hi zawtnak in na luatter khawh hna. Cucaah Covid-19 zawtnak phun hna na pumsa cungah a lang sual ahcun zangfahnak tein vai chek hrim teh.

I chek khawhnak hmun pawl cu:Dallas County um pawl caah Covid-19 zawtnak i chek khawhnak hmun pawl : 2500 Victory Avenue in Dallas le (2) 9191 South Polk Street in Dallas. Lewisville khua um caah Covid-19 i cheknak hmun pawl cu (1) 701 South Stemmons Freeway, Lewisville, TX 75067 le (2) Prime Care Medical Center, 540 Surf St. Lewisville, TX 75067 hi an si. A cheknak man hi free a si. Ref- Salai Z T lian

 

Be the first to comment on "Tedim pa Coronavirus in damlo mi nih a nu a chonh caah Daw Aung San Su Kyi nih kawlram chungah zulding mi a thlen"

Leave a comment

Your email address will not be published.


*


error: Content is protected !!