Teinak Kan Hmuh Than Hrimhrim Lai Tiah President Donald Trump. ih Raltha Tak In A Mipi Pawl Sin Ah Thawngthanh Nak A Tuah

US rampi thim nak i buainak chuak mi cu a felfai kho rih loh i, President Donald Trump nih cun khatlei pawl nih teinak kan hmuh tiah an au cuahmah mi cu, a pom kho bak loh i a hman ning tein vote an rel dih hnu i teinak an hmuh a siah cun, kan hek lomhpi te ko hna lai tiah a ti. Cupin ah buainak an aupi cuahmah mi zong hi hmai an nor thluahmah ko tiah a chim i, teinak kan hmuh than ko lai tiah mipi sin ah thawngthanh nak a tuah.

US Election 2020 Updates: Would win unless Democrats 'steal' election, says  Donald Trump from White House - us presidential election - Hindustan Times

Trump le State kip i.a mah a dirpi tu pawl nih cun.vote hman lo mi he pehtlai in, lan an la cang i, hmun cheukhat ah cun, vote relthan cuahmah a si. State pakhat le pakhat dirhmun ai khat hna lo i Trump le amah dirpitu pawl zong nih US ram chungi State zate siloin diklonak a um tiah fiangten an theih nak state cheu khat cu an doh cuahmah. Cuka i a hman ning le felfai tein vote an rel a siah cun teinak an hmuh hi a zumh.

US Presidential Election 2020 by state: Biden vs Trump results map | Biden  wins presidency - AS.com

Michigan ah president si khawh nak Electoral vote 16 a um i Biden nih teinak a hmuh tiah an phuan nak hmun pakhat a si. Asinain,tu ah Trump team pawl nih cun Court ah bia an luh ter cang i, canrau lo te ah thawngpang ra colh lai. Penssylvenia ah tlai hnupi i vote cabawm a phan mi rel lo ding in, Supreme Court nih nawl a pek cang i, an rel dih cang mi zong a dang tein chiah ding a si. Mahcu hlan ah Biden nih hmai a rak sat i cuvial te thil a tlian dih hnuah cun zeizong vialte ai dang kho mi a si.

US election 2020: Latest news headlines, poll results and election results  - 9News

Culawng a si rih loh,Union Court nih cun sihni pawl cu US rampi ithim nak ah vote hman lo mi a um timi ah thil sining hman mi dothlat ding in, an fial dih cang hna. Hi bantuk a si tikah Biden lei zong biaholh ah an i ralring deuh cang i president bantuk siloin president kan tuan caan ah ti bantuk in ca a thlah i bia a chim deuh cang. cheukhat State cu vote rel khawh lo mi a um hrimhrim rih.

US election 2020: How much trouble can Trump cause before Biden takes  charge? | US News | Sky News

A biapi bik mi pakhat cu State kip nih vote thlak nak kong i a hman lo mi le zumh lo mi pawl cu, December 8 tiang lawng an doh khawh i, cuhnu cun ti khawh mi an nei ti loh. Cupin ah Federal Election Commission nih cun December 14 ah US president thar ding cu an phuang cang lai. Mahcu hlan ah Trump le a team pawl i an chuahpi mi kong an tawlrel khawh dih a siah cun, zeipoh ai thleng dih kho i, December 14 hnu cun a harsa tuk cang lai. Supreme Court nih zeitin dah khua a khan lai timi cu, a ho hmanh nih an thei rih loh i, ,an biaceih mi pawl cu a ho hmanh nih a dohkalh kho loh. Vote hman lo mi kong ah, Trump nih bia a phanh ter cang i, zeitin dah khua an khan te lai timi cu mipi nih an hngah cuahmah mi hi a si.(VOA). Credit : VAPUAL AUAW

US presidential election 2020: Are the polls tightening?

Be the first to comment on "Teinak Kan Hmuh Than Hrimhrim Lai Tiah President Donald Trump. ih Raltha Tak In A Mipi Pawl Sin Ah Thawngthanh Nak A Tuah"

Leave a comment

Your email address will not be published.


*