Texas Sibawi mino nu a thihnak nih mi tampi mithli he a chiah hna.

Texas i a um mi   sibawi mino nute Kum 28 nu cu , sizung ah Coronavirus in a dam lomi zohkhentu a si i, Covid-19 in a zawmi tampi a zohkhenh hna hnu ah, amah cu a kai ve i, sizung emergency room ah a thluak lei a thi a lut i, a nunnak chanh manh lo in a thi.

Hi doctor nu nih a min ah Adeline Fagan a si i LaFayette , New York a a um mi a si, covid-19 in a zawmi tampi a buaipi hna hnu , damnak zong mitampi nih an hmu, mi tampi nih a thiltuah mi an thangthat lio caan tein a mah cu zawtnak nih a phan ve i , a nunnak khamh khawh a si ti lo, Hi Doctor nu a thinak nih US mi tampi ngeichiat in an um an sianglonak social media ah an langter cio.

A chungkhar nih an chim ning ahcun kan fanu Fagan hi Covid-19 Positive ka ngei tiah a result a hmuh hnu ah, zeitindah mizaw ka zohkhen cuahmah mi kha an um ne lai amah nakin mi dang a dam lomi hi a sia a herh deuh hna, ka dam zawk lai i, Mi damlo va zohkhen tthan a ho tiah a chim bal, nain ruahlopi in a mahtu nih an kan liam tak hi cu chungkhar caah tuarthiam a har tuk e tiah a family nih an chim.

Hi Texas doctor nu tehi a thih hnu ah suimilam 1 danah bawmhnak a hmuh mi $ Tingkhat leng a si i Donatenak cu an off than a bawm duhtu mi tampi an um ko nain a bawmh kholo mi zong tampi an um tiah bawmhal piaktu hna nih an chim. USA Today.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

 

Be the first to comment on "Texas Sibawi mino nu a thihnak nih mi tampi mithli he a chiah hna."

Leave a comment

Your email address will not be published.


*


error: Content is protected !!