Thaizing MMID Season 4 top 5 i zuamnak ding kongah Benjamin sum nu Pi. Lal Din Par nih Benben kong a chimh mi

Myanmar Idol season 4 hi MMID vialte lakah hlasak thiam bik le aw tha bik umnak a si tiah hlasak thiam pawl nih an rak chimh cang. A hman mi zong a si lai,  aruang cu Chin mi chungin aw tha le hlasak thiam kan ngeih mi pathum top 5 an kai cang i, an mah pathum lakah pakhat nih winner a co te ko lai ti cu mi tampi zum ning a si.

MMID Season 4,hlasak zuamnak ah Winner hmanh a co te lai tiah mipi nih ruah mi Salai Benjamin Sum a hringtu a Nu Pi Lal Din Par nih cun ka fa pa Salai Benjamin Sum caah thinphan nak zei hmanh ka ngeilo.a ruang cu Salai Benjamin Sun cu ka ruahnak leng in ramchung ramleng in dawtu le t’anpi tu tampi a ngeih caah a si tiah a chim.

Media nih Salai Benjamin Sum a hringtu a Nu bia an hal nak ah cun nang mah le a pa hi Music lei a uar mi nan si maw? tiah an hal tik ah a leh mi hna cu,”Benjamin SUm a pa zong Music lei a uar mi le a tui ngai mi a si pim ah kei mah hrimhrim zong Music lei ah tha a pe ngaimi le a tui ngai mi ka si caah Salai Benjamin Sum zong hi Music lei ah cun kan mah le phak tawk in cun phan awk a um lo tluk ah kan ruah mi a si” tiah a leh hna.

Be the first to comment on "Thaizing MMID Season 4 top 5 i zuamnak ding kongah Benjamin sum nu Pi. Lal Din Par nih Benben kong a chimh mi"

Leave a comment

Your email address will not be published.


*


error: Content is protected !!