Thantlang Sizung Ah operation Tuahnak in A Thimi Ka Pate “Pu Bawi Vung” hi Sizung Riantuan tu Minung Pahnih Ruang ah A Thimi A Si

Nizan naite i thil a cangmi Thantlang sizungpi ah operation tuahnak in a nunnak a liammi Ngaphaite khuami Pu Bawi Vung (38) thihnak kong ah mipi thinlung a zaw cio i thihzat hlan ahb a thi tiah a ngeihchiat pimi le Thantlang sizung riantuan tu cung zong ah a lungtling lomi mi tampi an um i an lungfah nak le an lungtlin lo nak zong online facebook group ah hmuh awk tampi a um .

Pu Bawi Vung (38) hi rilfonghlei fah a ngeimi a si i Thantlang sizung ah a rilfonghlei operation i tuah dingin a rami a si i October 16 ah sizung phakpi a si i october 17 ah operation tuah colh a si . October 17 ,operation an tuah khawh in operation khaan in an chuahpi hnu tlawmpal a rauh ah a thi colh . A thihnak kong he pehtlai in operation a tuahtu Thantlang sibawi pa nih a chim ve ning ah cun ” Operation tuah lai ah “meh -se” kan chunh mi a tuar khawh lo caah a si ” tiah a chim . Asi nain a hohmanh nih an zum kho lo .

Zei ca tiah minung pakhat a damlo i operation tuahding a si tik ah a thisen check ta a si i operation tuah awk tha a si maw timi a thazang tiang theih hmasa ta dih a si , cu bantuk cu doctor pakhat nih cun a theih tuk ding a si i operation tuah hlan zong ah a thisen nih a tlinhlo timi pakhat hmanh a um lo i ruahlo tuk in a nunnak a liam hnu lawng ah meh-seh chunhmi a thiasa nih a chei lo ruang ah a si tiah biadawh nak in a chim sawhmi ah ruah dih a si .

Hi thihnak kong he pehtlai in “Wayne Pazho” nih cun hi ti hin a chim ve ” Ka pate hi operation an tuah khawh in operation tuahnak khaan in tha tein an van chuahpi ko i sizung riantuan tu minung pahnih nih ihkhun cung ah kan khing lai an van ti ah an thlak sual , hi he hin a thihnak hi aa pehtlai kho mi a si .Cucaah cun riantuan tu lei zong nih fianter nak kan tuah kho u law kan duh ko ‘ tiah a lungtlin lo nak kong cu a facebook ah a langhter ve .

Operation tuahmi cu a dam mi bantuk in an cawlcang kho colh lo i an duh poah in tonghtham awk a thami an si rih lo . Zei ca tiah chunglei rilfonghlei operation lebang cu thihnun nak ri a si caah a ril zong a kuai kho mi a si i operation an tuah nak i an thit nak zong a cat kho mi a si caah operation tuahkhawh bak i a cawitu minung pahnih nih an thlak mi hi a thihnak a ruang bik si dawh in a lang .

Be the first to comment on "Thantlang Sizung Ah operation Tuahnak in A Thimi Ka Pate “Pu Bawi Vung” hi Sizung Riantuan tu Minung Pahnih Ruang ah A Thimi A Si"

Leave a comment

Your email address will not be published.


*


error: Content is protected !!