Thawng Chia : USA Ah Sailai Cung Dawt Cem Cu Motor In An Pah Hnuah Meithal In An Kah Chih Than I A Nunnak A Liam

US ram, Chinmi tamtuk umnak Indianpolis khua ah chinpa pakhat cu mawtaw in pah a si hnuah a pahtu cu mawtaw in a chuak colh i a pahmi Chinpa mawtaw chung i um mi cu thi lak in a kah hnuah a rianran khawh chung in mawtaw ai mongh i a zam diam.

Thilcang mi cu kanmah lei January 18, nikhat ni ,zanlei nazi 5pm hrawngah a si. South Merdian Street i mawtaw mawng Salai Cung Dawt Cem ( kum 19 ) cu mawtaw pakhat nih a pah hnuah mawtaw chungin mi pakhat a chuak i Salai Cung Dawt Cem cu a mawtaw cjungah meithal in a kah than i a thi.

Palik an phanh bak in Salai Cung Dawt Cem cu a rianran khawh chung in sizung ah an kalpi nain sizung zong ah a chanh manh ti loh i cuti cun a nunnak a liam.

Salai Cung Dawt Cem kaptu cu mawtaw in a zam colh i tutiang hi an tlai kho rih loh. Zeiruang ah dah a kah mi a si timi zong a ruang zeihmanh theih a si rih loh.a tlan cih ih tutiang an kai ngah hrih lo. (Zophei Youth Community)

Be the first to comment on "Thawng Chia : USA Ah Sailai Cung Dawt Cem Cu Motor In An Pah Hnuah Meithal In An Kah Chih Than I A Nunnak A Liam"

Leave a comment

Your email address will not be published.


*