Thawngpang chia: A voihnihnak caah President Trump cu Coronavirus a ngei lai tiah zum a si hoi cang

Kan rak thei cia bantuk in President Trump cu a Coronavirus a ngei lai tiah zum a si caah Test tuah a si, natein Pathian nih a um pi le Coronavirus a ngei lo ti thei tthan a si. USA cu coronavirus ruangah a buaituk cang i, a ngeimi le thimi cu mithiam pawl nih an zumning leng a si cang caah President Trump zong nih raltuk voihnihnak nak in kan tuar deuh cang tiin a chim cang

Tu zong President Trump cu coronavirus a ngei lai tiah zum a si hoi cang, a ruang cu President Trump Personal Valet cu Coroanvirus a ngei tiah fiangter nak tuah a si cang.

Mah bantuk asi ah cun First Family zong coronavirus an ngei lai tiah zum an si ve cang. A cheu nih cun atu hi cu an ngeinak in ni tampi a si si cang lai tiah an zum. Valet hi ralkap a ttuan mi a si i, Ralkap unit in the White House ah rian ttuanding in lak a si. Deputy White House press Secretary Hogan Gidley nih cun White House Medical Unit nih United State Military pakhat nih the White House Campus chungah rian ttuanmi nih Coronavirus a ngei ttin atu bak kha an ka chim tiin a chim

The White House zohkhentu hna hi full time in minung 96 an si i, Part time in 250 an si. Mah hna hi butler, Maid, Chef, Plumber, doorman le florist hna an si. President Trump le Vice President Mike Pence hna cu mah coronavirus hi an ngei maw ngei lo ti cu zarfatin test an tuah tawn hna i, atu an dihmun ah cun negetive lengmang a si. Mah bantuk in Trump personal Velet nih Coroanvirus a ngei tih fiangternak tuah hnuah President Trump le Mike zong an tuah tthan hnuah negetive a si. Source. CNN, FOX NEWS, ETC

We were recently notified by the White House Medical Unit that a member of the United States Military, who works on the White House campus, has tested positive for Coronavirus,’ deputy White House press secretary Hogan Gidley said in a statement

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor

Be the first to comment on "Thawngpang chia: A voihnihnak caah President Trump cu Coronavirus a ngei lai tiah zum a si hoi cang"

Leave a comment

Your email address will not be published.


*


error: Content is protected !!