Thawngpang tha; Kawl ralkap cozah le AA nih remnak an ser. A tlam a tling kho tak tak hnga maw?

Coronavirus ttih nung tuk lio ah i kah peng kha cu a si kho hrim lo, mipi caah a him lo tuk hrinhrang. Kawl ralkap le AA pawl nih cu zahan thawk in i kah ti lo ding in remnak an ser. Mah bantuk remnak an ser mi hi tapung dang an nih tel lai lo, an mah kawl ralkap le AA pawl lawng an si lai tiah thei a si

A luancia zarh ah khan kawl ralkap nih tapung pawl hi August ni 31 tiang remnak ser a si lai tiah thawngthannak an rak tuah cang. Tu bantuk in tapung pawl he remnak an sernak ruang hi kawl ralkap pawl nih an chim lo.

Tu kum March hramthawk lio ah khan AA pawl nih cozah he remnak ser ding in an duhnak an langter cang. Natein kawl ralkap he cun an i kah peng caah atu mah bantuk in kawl ralkap he remnak an ser khawh mi cu thawngpang tha ngai a si. Mah remnak an sermi hi August ni 31 tiang lawng a si lai. Credit-Vanglaini

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor

Be the first to comment on "Thawngpang tha; Kawl ralkap cozah le AA nih remnak an ser. A tlam a tling kho tak tak hnga maw?"

Leave a comment

Your email address will not be published.


*


error: Content is protected !!