Thawngpang tha taktak: Amreica ram cheukhat minung cu coronavirus zawtnak an kai kho lai lo.

Si lei thiam sang hna le hlathlaitu nih study an tuah hnu i an hmuh mi le an chim mi cu Ameraca ram i minung cheukhat cu Coronavirus an kai kho lai lo, tiah an chim.

Hlathlaitu hna nih US ram i minung cheukhat thi a hlut mi hna an pum cu an check hna hi micheukhat cu a pumchung ah “Immune T cells” timi zawtnak in a khamh kho tu, virus a teikho tu a um i, cu nihcun Covid-19 fawi tein a tei khawh tiah an hmuh. cu cu US ram ah blood a donated tu hna sin ah tests an tuah i an hmuh mi asi.

Micheukhat pumchung ahcun immune T Cell a riantuannak hi a thawng ngai caah Coronavirus hri hi teikhawhnak “Natural Ability” thazaang  a ngei, tiah an hmuh cucu US lawng ah an hmuh mi si loin UK le Sweden zong an hmuh mi a si. Covid-19 hi minung caah tih a nung tuk tiah ruah cio a si, a ruang cu pakhat le pakhat fawi tein i cawnkhawh a si i, chikhat te ah vawlei cung pumpi ah a karh cawlh ruang ah a si, Covid-19 zawtnak in a thi mi hi cu natural immune T cells a ngei lo mi deuh an si tiin si lei thiamsang hna nih an chim. USA Today.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

Be the first to comment on "Thawngpang tha taktak: Amreica ram cheukhat minung cu coronavirus zawtnak an kai kho lai lo."

Leave a comment

Your email address will not be published.


*


error: Content is protected !!