Thawngtha bik si cang, President Trump zong nih min thutnak tlamtling tein a tuah cang. USA Pathian nih thluachuah hna seh

Remdisivri Si Covic-19 Mizaw Thlopnak An Hman Si Cang lai… Tu zanlei ah Gilead CEO Daniel O’Day cu White House ah a kal i President Donald Trump le Vice President Mike Pence a va ton hna, FDA nih Remdesivir si cu Covid-19 mizaw thopnak caah Gilead nih zetindah an serchuah timi kong le hmailei ah zetin phawtzamhnak an tawlrel lai timi kong ceihhmainak an ngei. US ahcun zeibantuk si an serchuah mi poah FDA nih an test dih hnu i an cohlan hnu lawngah chuah khawh le zuar khawh a si.

National Institute of Allergy and Infectious Diseases Director, Dr.Fauci nih nizan ah Gilead Scientist hna nih an sermi remdesivir si a hmangmi hna cu 30% an dam a rang deuh tiah tuchun ah white house ah a chim. National Institutes of Health hospital ah coronavirus in a zawmi minung 397 cu phu hnih ah an then hna i, an test hna i, phu khat cu ni 5 chungah an dam i, adang phu khat cu 10 chungah an dam. Cucaah emergency caah cun hman khawh colh a si lai tiah a zumhnak nizan ah a chim. A chim bantuk tein FDA zong nih man ding in tuchun ah an cohlan colh ve.

Gilead nih testnak an tuahmi hna chung in 50% cu zarh hnih chungah an dam dih tiah an chim. A zawmi chung in 65.5 cu ni 5 chungah an dam i, 53.8 cu zarh hnih chungah an dam ti a si.

Coronavirus in a zawmi hna damnak caah Remdesivir si a ser hmasa bik cu US kan si. September thla chungah hin US si company a simi, Johnson & Johnson Vaccine an serchuah lai tiah zumhnak a um. Credit- Salai Lairamthang

Mah thawngpang hi vawitampi ttial a si cang, President Trump zong nih min thutnak a tuah cang caah zumtu Pathian hna thlacamnak cu Pathian nih a kan theih piak cang. President Trump nih a rak chim cia bantuk in mah bantuk caan lio ah Pathian zum ko hna u sih, Pathian nih tuah khawh lo mi zeihman a ngei lo tiin a rak chim lengmang cang

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor

Be the first to comment on "Thawngtha bik si cang, President Trump zong nih min thutnak tlamtling tein a tuah cang. USA Pathian nih thluachuah hna seh"

Leave a comment

Your email address will not be published.


*


error: Content is protected !!