ThawngTtha Tlamtling Fiangten Theih dih A si cang, Zuumtu Nan Thlacamnak Thawng

Kumthar  2021 January Ni 6 ah hin Vice President cu 100% biakhiahnak tuahtu ding a si tiah an chim, an tial. Elector pawl nih vote an rak pek cang mi kha an rel lai i, Cun teitu cu Vice President nih phuang le chim a si cang lai.

Mah hnuah challanger /Zuamcawhtu an um maw um lo ti bia halnak a tuah lai. Vice Preisent hi US phunglam ningtein thil a si maw si lo tiin kilveng tu a si lai. Vice President hi nawlneihnak vialte pek a si.

Zuamcawhtu an um ah cun, Vice President nih aduh ah cun a hlawt khawh i, A duh ah cun a cohlang piak khawh hna. Mah bantuk a si ah cun, Mike Pence nih duh thim ding mi pahnih angeih lai tinak a si

A Pakhatnak cu, Electoral College vote cohlang. A Pahnihnak cu Phung le lam kilveng ding in Electoral vote cohlang lo/hlonh, pom piak lo tiin an tial. Chim ning a si. US constitution Articles 2 nak, Section 1 ah- legislature pawl kha nawlngeihnak tlamtling a pek hna. Hi Article pahnihnak hi 12Amendment bantuk in kalpi ding a si lai tiin an tial

W Bush le Algore an rak buai lio ah khan, US supreme Court nih ruat set set buin caihmainak an rak ngeih hnuah Number pathumnak USC, order 15 an zulh ding a si ti a si.

Cun hi State 7 Arizona, Georgia, Michigan, New Mexico, Nevada Pennsylvanian le Wisconsin State in legislature pawl nih Washington DC ah Electoral vote an kuat ve hna i, Cu hnuah State official pawl nih an mah thu le nawlin Electoral vote an kuat ve caah Vice president nih biakhiahnak a tuah lai tiin an tial

Atu dirhmun ah cun, Electoral vote hi kap hnih in a kal cang caah Vice President nih kumthar 2021 January 6 ah hin kap hnih vote a cohlang ve ve ah cun Trump cu teitu a si lai i, Joe Biden cu a sung ruangmang cang lai. Cun Vote hi a cohlangve ve lo zong ah Trump cu teitu a si tthiam tthiam lai tiah an tial. Mah hi hi phunglam kal ning te le lungsau thinfual tein an hngah mi a phichuak ding mi cu a si.

President of senate, Vice President hi nawlngeihnak dihlak a ngei tu a si caah zeibantuk court le zeibantuk phunglam hmanh nih taza cuai khawh a siti lai lo/Mike pence nih biakhiahnak a tuah mi hi appeal tuah khawh zong a si lai lo tiin an tial. Aa mahkhaan tawh hrenh a si cang ti nak a si.

US phunglam nih a chim mi cu, phunglam ningtein election hi kalpi ding a si, phunglam leng in election ah thil tuah a si ah cun Vice President a donghnak biakhiahnak tuahkhawhnak nawl angei ti a si
Election kongah phunglam nih a tial mi cu,

State legislature nih phunglam an ser mi bantuk in vote an thlak mi lawng rel ding State legislature nih a caan a suai mi chung lawngah vote a lut mi lawng rel ding, Vote thlaknak form mi poah State legislature nih a cohlang mi lawng hmang ding.

cun Phunglam nih a cohlang lo ti fiangtein tial a si, tiin American thinker pawl nih an tial.. An chim ning ah cun Joe Biden caah White House cu a hla ngai ti a lang, thlitu lak voih voih an ti mi khi! Cun point 1-3 tiang hi mah state 7 nih an buar dih,

legislature si lo in State official le Governor nih phunglam an ser mi lawngte a si. Hi bantuk a si cang caah Vice President nih Trump cu teitu a si lai tiah a phuang lai tiah an zumhning an tial

Note- Mah amermcian thinker pawl nih an chim mi hi 100% a dik lai tinak a si lem lo. Ca reltu nih biakhiahnak cu nan tuah te lai. Trump nih January Ni 6 hi zoh u tiah a ti caah thil a cang kho mi American Thinkers pawl nih an tial mi ka vun tial chin mi a si. A tam ngai i, mah vialte hi ka vun leh mi a si.

Chinpage hi US thawngpang ni fatin 5/6 a tial peng mi kan si. US thawngpang nifatin theih le rel peng na duh ah cun, page hi like le follow vun tuah ve. (A sautuk caah a poin lawng ka vun leh mi a si. Enlish in a rel duh mi nan um ah cun Americanthinker website ah rel khawh a si)

Nan dihlak cungah thinlung tak in kaa lawm.

 

Be the first to comment on "ThawngTtha Tlamtling Fiangten Theih dih A si cang, Zuumtu Nan Thlacamnak Thawng"

Leave a comment

Your email address will not be published.


*