The New York Times nih President Trump cu a hloh ko cang.

Media a ngak taktak mi a company zong vawlei cung nih hngalh mi New York Times nih President Donald Trump cu kum hleikhat cung Tax tha tein a rak pe bal lo tiah thawng a thanh,caah mi tampi khuaruahar in an um, Trump hi US rammi caah Tax a lak ning hna hi a fel tuk mi a si tha tein tax a pelo mi cu  Phaisa tampi in liamter an si, nain a tutan ah Trump cu kum 11 chung bak tax tha tein a rak pe lo tiah New York Times nih a thanh caah US mi tampi an khuaruah a har, cheukhat cu fake news a si tiah New York Times a soisel tu hna an tam.

New York Time nih alangter mi cu Trump nihhin 2016-2017 $750 lawng tax a rak pe i, Document ah aa tial ning ahcun Kum 11 chung bak Trump nih tax ape lo, Tax return zong ala ding a um lo tiah hmuh a si tiin an chim. nain Trump nih kan hnu zarh sunday ni ahkhan a leh mi hna cu The New York Times nihhin Fake news an tial, a dik lo mi thawngpang a si , an tuah chawmmi thawngpang a si tiah a leh hna .

Trump hi business lei ah a hlawh a rak tling ngai mi a si i, billionaire tiah zumh mi a si, a company ngan zong a ngei mi a si caah Tax cu a pek hrimhrim ding ram hruaitu a si mi caah cun, Hi tluk mirum a si mi nih Kum 11 Tax a pe lo ahcun hngalh lo in an um lai lo, a pe ko lai thawngpang a hman lo mi a si lai tiah mi cheukhat nih an chim nain, The New York Times cu Media ngan pakhat a si ve tikah micheu khat cu a zumh mi zong a um. Fox News.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor.

Be the first to comment on "The New York Times nih President Trump cu a hloh ko cang."

Leave a comment

Your email address will not be published.


*


error: Content is protected !!