The Voice Myanmar Season 3 Sangchin I Zuamawknak Hrang Ah Chinpa Salai T Lian A Tling Lomhpi Cia Hna Uh Sih (+Video)

The Voice Myanmar season 3 hlasak i zuam nak cu zarhpi zan chiar tein an peh thluamah rih i,“Battle Round” dirhmun in an i zuam cuahmah lio October 25,nizan zong ah “Battle Round” hrang ah i zuam nak peh a si i, Chinpa Salai T Lian zong i zuam nak a peh thluahmah ding in, Coach R.Zarni nih thawngthanh nak a tuah.

Salai T Lian cu Aung Paing Thu Naing he “Battle Round” ah ai zuam mi a si i Myo Gyi hla lar “Yain Kone Tan A Yin Nae Sone” timi hla an sak. Coach dang lakin Ni Ni Khin Zaw le Yan Yan Chan nih cun ai daw tuk mi an si tiin an chim i Coach Kyar Pauk nih cun Salai T Lian cu sangdeuh ah a chiah tiah a chim. An pahnih nih Coach R. Zarni team i a um mi an si ruangah an pahnih lakin pakhat lawng cu sangdeuh i zuam nak hrang Coach Ra.Zarni nih thimding a si i Cuti cun,Coach R.Zarni nih cun Salai T Lian cu sangdeuh i zuam nak caah a thim than.

Curuangah Salai T Lian cu The Voice Myanmar season 3 hlasak i zuam nak “Knock Out” dirhmun zong ah a mui kan hmuh khawh rih lai. Culio ah Chinpa Salai Aung Pi le Chin nungak Zorina cu an i zuam kho ti loh an tla veve. Tu i dirhmun The Voice Myanmar season 3 sangdeuh i zuam nak hrang Chinpa Salai T Lian le Salai Taungpi cu an tling veve rih.

Salai T Lian cu Music lei kal a duh ruang ah a chuahkeh nak Tayakung khua ( Letpanchaung zin ) cu 2013 kum ah a rak chuahtak cang i, Yangon ah umhmun a rak khuar. riantuan pah in a theitawk in music lei ah kar a hlang i Myanmar rampum pi huap hlasak zuam nak Eain Mat Sone Yar zong ah top 10 a rak phan cang mi a si. A pa cu Rev.David Mang Ling a si i a nu cu Thiang Len a si.

Kawl in Pathian thangthatnak hla pin ah Falam zong in hlasakmi a nei ngai cang i, a hlasakmi lakah “Thangthat” timi Album chungin “chun le Zan” timi hla cu mipi duh bak mi hla pakhat a si. Cupin ah Falam in Salai Thlapi i hla zong tuah ding a nei rih tiah thawngtheih a si.

Credit : VAPUAL AUAW

Be the first to comment on "The Voice Myanmar Season 3 Sangchin I Zuamawknak Hrang Ah Chinpa Salai T Lian A Tling Lomhpi Cia Hna Uh Sih (+Video)"

Leave a comment

Your email address will not be published.


*


error: Content is protected !!