Thih Daan tat A Kong An Ceih Piak Mipa Hi A Phu tawk Ko, Nang Teh Zei Tin Dah na Ruah ve ning si?

Singapore pa Teo Ghim Heng (kum 45) nih a nupi naupawi lio mi le a fanu kum 4 mi cu a thah i, an pawng ah zarhkhat a it. Kum 2017 kum i thiltlung mi a si i an konglam an hlathlai hnu ah atu lawng ah felfai ten bia an caih i mithat tupa Teo Ghim Heng cu thi dingin bia an ceih piak.

2009 kum ah Teo le Madam Choong cu an i umh hnu ah fanu te an hrin.Teo nih rian a ttuannak zongah a lam a tluang in a hlawhtling ngai ngai. Thlakkhat ah $20,000 a hlawh tawn. Asinain, Teo cu phaisa thap in game ai celh ruangah duh sah tein an ttumchuk thluahmah.

A nupi Madam Choong cu nau a poi i, a nau pawi mi cu thla 6 a tling cang i, phaisa an ngeih tilo caah Jan 18, 2017 chun ah fak ngai in an i si. Teo nih a fanu cu keimah fa taktak a si lai lo. Teo nih ” Kei mah he kan i umh hlan ah kum 2014 lio ah tlangval dang he nan rak i komh caah hi fanu hi ka fanu a si lai ka zum bak lo” tiah a chim.

Leiba an ngeih tuk ruangah Teo cu lung rethei ngai in a um i, a nupi he an i si pah lengmang. An fanu te siangkainak fee zong an pek khawh lo cash Jan 20, 2017 zingka ah Teo nih a fanu cu siang kai tilo ding in a chimh.

Cuti a chimh bak cun a nupi nih “Mi santlai lo pa” tiah a aukhuang i a zai tuk riangah Teo cu a thinhang tuk in a nupi cu towel in thilak in a reh. Cu lio ah cun an fanu te cu a ttap tuk mi zong a thah lawlaw i,a thah mi a nupi le a fanu ruak pawngah zarhkhat chung can a hmang. A mah le mah zong thah ai tim lengmang ko nain a thi kho lo.

A nupi tapa nih a farnu cu a phone in a call tawn i, ca zong a kuat lengmang nain a leh bal lo caah a khuaruah har ngai ngai. Cun chungkhar puai an tuahnak zongah an chuak lang bal lo tikah an inn ah an va kal hnawh hna i thil sining an va hmuh tikah palik an call colh i Teo Ghim Heng cu an tleih i tu kum ah thi ding in a kong an ceih piak. (Ref: Straits Times)

Be the first to comment on "Thih Daan tat A Kong An Ceih Piak Mipa Hi A Phu tawk Ko, Nang Teh Zei Tin Dah na Ruah ve ning si?"

Leave a comment

Your email address will not be published.


*


error: Content is protected !!