Thihnak in Nunnak ah Court Nih Michael Flynn Cu Chuahnak Nawl A Pek Cang

President Donald Trump khawkhang lairel thiam tiah mi tampi nih an chim caih le an fak liaoah mi cheukhat pawl cu Trump an sawisel nak ah an hapi a kiak deng cang lai an ti.

 

U.S. District Judge Emmet Sullivan nih Michael Flynn cu na sualnak a thiang cang, na case adih, dongh cang tiah a ti. Zeicatiah Flynn cu President Trump nih Thanksgiving holiday ah kan ngaihthiam tiah a ti cang caah asi. Atu cu Michael Flynn case cu  pakhat hmanh a um ti lo. Mr Flynn hi 2016 Russia investigation kong he pehtlaiin FBI ah lih bia achim ti ruangah case a neimi asi. President nih Flynn hi a ngaihthiam lo ahcun, Flynn caah luatnak ding a um kho hrim hrim lo.

Zeicatiah FBI a hleng mi hna case an orhter caah asi. Cu caah Trump nih amah term chung hrim hrim ah Flynn hi luatter a duh ti a fiang. Flynn ngaihthiam asinak kongah Dems nih heh tiah President cu an soisel. Cu lio White House Press Secretary Kayleigh McEnany nih a timi cu, Mr.Flynn hi sualnak ngeilo asi tiah a ti. House Speaker Nancy Pelosi nih a timi cu, Trump nih a tuahmi thil hi kan ram US caah tihnung asi.

Mi ngaihthiam khawhnak nawl a ngeihmi a hmanning hi a dik lomi asi. Misual, mi hrokhrol le hlenhmang minung hna hi perdon power hmangin himnak luatnak pek ding asi lo. Cu caah Trump cu “an act of grave corruption and a brazen abuse of power,” tiah a auh than rih. US nih misual black list ah a chiahmi  Iranian Gen.Qasem Soleimania cu Iraq International Airport in a chuah bakah US drone hmang in thah colh kha asi.

Mah kong ah Pelosi nih President cu abuse of power tiah arak ti I, sual a rak phawt rih. Kanmah Congress hnatlaknak lak hmasa loin Soleimani a thah tiah arak ti. Mr.Flynn a ngaihthiam ruangah Pelosi nih President Donald Trump cu ningcang lo le diklo ningin power a hmang tiah ati rih. Trump caah nichiar Pathian sinah thla ka cam piak peng a ti ko nain, Pelosi hi cu mi mak pakhat a tling.

 

Be the first to comment on "Thihnak in Nunnak ah Court Nih Michael Flynn Cu Chuahnak Nawl A Pek Cang"

Leave a comment

Your email address will not be published.


*