Thinak darkhing- Chinnu nih USA ah mual a kan liam tak

April ni 23. Nili Ni. 2020. USA, Washingtong D. C Area, Maryland kuaah um mi. Nu. Niang Dim Pau nih mual a kan liam tak. Amah hi hi Sizang Burmese Mission Church ah member a si i. Kawlram ah a umnak khua cu Taigen a si. Amah hi pasal angei cang mi a si. Fa a ngei maw ngei lo ti le zeibantuk zawtnak in athi ti cu source nih a chim lo caah ka langter kho lo. Rf-Zomi Innkuan

Chin Ramkulh Cozah nih Tedim Lockdown (Curfew) tuah ding in bia a chah …..COVID-19 zawtnak hrik ngei minung panga umnnak Chin Ramkulh Tedim khuapi ah zawtnak in i runvennak ca ah Lockdown tuah ding in timhlamhnak an ngei tiah Social Affairs Minister Pu Pau Lun Min nih a chim

“Tedim hi Lockdown tuah ding le tuah lo ding bia fiang in kan chat kho rih lo. Aruang cu a tuah duh tu le tuah duh lo tu tiin an um. Lockdown hi cu khuami ca ah siseh, cozah lei ca ah siseh kan har lai tiah kan zumh. Aruang cu ramdang lei nih Lockdown an tuah ning kan zoh tik ah kan nih lei nih cun kan chei lai lo. Ramdang tu ahcun Lockdown an tuah a si cun khua mi hna eidin lei tiang an rin dih hna ca ah kannih hi cu kan tuah kho theng lai lo. Asinain Curfew hi cu kan tuahter hna. Tedim khua chung ah zaan suimilaam 10:00 in zing suimilaam 4:00 tiang khuachung mi si hna seh, khualtlawng lamli si hna seh luhchuah a ngah ti lai lo,” tiah Minister Pu Pau Lun Min Thang nih a chim.

Chin Ramkulh Tedim khuapi chung ah COVID-19 zawtnak hrik ngei 2020 April 20 ah pakhat aa chap than i an dihlak minung panga an si cang . Cun, Sipin le Electric Minister Pu Soe Htet nih, “Thil sining zoh in Lockdown hi kan tuah a hau te ko lai tiah ka ruah. Cozah Lutlai cheukhat hmaitonh biaruahnak kan ngei i hi ton biaruahnak ah Tedim hi Lockdown tuah ah a tha ko lai tiah bia kan chah. Tedim ah dinti lei an har ca ah ti phur motor in ti zong kan chiahpiak hna, cun mei hi sumilaam 24 chung khuapi ning in kan pe kho lo nain sii -inn tu ahcun mei set in suimilaam 24 chung kan pek,” tiah a chim.

Vawlei cung ram pumpi a cul cuahmah mi COVID-19 zawtnak hrik ngei Myanmar ram chung ah minug 119 an si cang. Zawtnak in a dam than mi minung 7 le zawtnak in a thi mi minung 5 an si cang.

Lockdown an tuah ding le tuah lo ding kong he pehtlai in Tedim COVID-19 Response Committee chungtuan C S Mung No nih, “Lockdown tuah ding hi Ramkulh lei nih biachahnak cu an tuah cang nain order cu an chuah rih lo. Atu zong Lockdown cu an tuah rih lo nain zaan chuah lo ding nawl order cu an chuah cang. Lockdown an kan tuahpiak a si cun, khua mi ei ding le a dangdang zong an kan tawlrelpiak a herh lai i an ca ah thilrit ngai a si lai,” tiah a chim.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo. English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor

Be the first to comment on "Thinak darkhing- Chinnu nih USA ah mual a kan liam tak"

Leave a comment

Your email address will not be published.


*


error: Content is protected !!