Thinak darkhing: Siang a si hrim lo ee!!! Rangoon ah Chinpa nih mual a kan liam tak

Vawlei cung hi kan khual tlawngnak ram a si ti Bible nih a kan chim cang. Kan duh maw duh lo maw vawlei cung hi kan kal tak lai. Vawlei cung kan kal tak hlan ah Pathian he i pehtlaih i zuam i, Vawlei cung kan chuahtak hnuah Pathian sin phan kho ding in zumtu nih kan tuah hmas bik a si ti hi philh lo ding.

Yangon ah um mi, Chinpa, Bie Thie kum 28 cu tuni suimilam 11 AM ah, Hlegu, Yangon ah sian lo buiin amah serhtu Pathian sin ah a kan kal tak cang. Amah hi rian a ttuannak ah Electric Shock ruangah vanchia in mual a kan liam tak mi a si. Theichia bantuk in Covid zawtnak ruangah Hlegu khrifah buu tawrel ning in a ruak hi kal pi a si lai. Amah hi laitlang ah a khua cu Aru (mara) a si. Credit: Yangon Mara Achâhkheihna Py

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong thawngpang a dik mi le a hman mi ka post khawh mi a si. Atu lio ah thawngpang dik lo mi ti bantuk a tam ngai caah keimah zong ralrin tein ka mipi sin ah thawngpang ka ttial tawn. Thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zongah ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Nuva Nun Editor

Be the first to comment on "Thinak darkhing: Siang a si hrim lo ee!!! Rangoon ah Chinpa nih mual a kan liam tak"

Leave a comment

Your email address will not be published.


*


error: Content is protected !!