Thinak darkhing!! USA ah Chinpa nih Corovanavirus zawtnak in mual a liam

US lei COVID-19 Zawtnak in Mithi. Washington DC Area, Maryland State, Laurel Khua ah nupi le fa pathum he khua asa lio mi Pa Thang Do Mang (Kum 38 ) cu April 08, 2020, 10:00pm ah atu lio COVID-19 zawtnak in mual a liam tiah thawng kan theih.

Anih hi cu hlan ah Kal lei damlonak a ngei cang mi si an ti. Vawlei cung Chin mi chung in a tu lio Coronavirus in thihnak thawng hmasak bik kan theih asi. Maryland Baptist Church ah chungtel pakhat asi i a ruak hi April 14 ah an vui lai tiah kan theih. Tantak mi chungkhar CCN nih kan ngaihchiat pi hna.

Ruakvuinak Info: April 14, 2020, Tuesday.1:00PM – 3:00PM. Meadowridge Memorial Park. 7250 Washington Blvd,  Elkridge, MD 21075. Maryland Baptist Church (MBC).Source: DC Area (ZIDCA)

COVID-19 i runvennak caah Hakha Penguk zung lutlai U Myint Oo thil tuah mi ah khuatei ah um mi nih an duh lo tiah thei a si……Hakha Peng khuate lei nih COVID-19 zawtnak kan i runven khawh nak ca ah tiin khual lam hauka phihkhar hi a ngah mi a si lo, tiah Hakha Penguk Zung lutlai U Myint Oo nih 2020 April 6 ni ah tuah mi Hakha hrambunh Media he tonbiaruahnak ah  a chim.

“Khuate lei cheu khat cu, COVID-19 zawtnak kan i runven khawh nakhnga tiah khual lam hauka a phit mi hna hi anmah le anmah an i vennak a si ve ko nain, hi ti tuah hi a ngah mi a si lo. Khualuhnak hauka in zawtnak cheknak hna cu an tuah khawh ko. Zawtnak a ngei kho tiah lunghrinh mi an hmuh ahcun thawng tu rak kan thanh hna seh,

ni 14 chung kan zohchung lai i, zeitihmanh in a um lo ahcun kan thlah than ko lai. Cu si loin hohmanh khua ah ra hlah u tibantuk cu a ngah lo, tiah khuate khuabawi zong thawng ka thanh cang hna,” tiah Hakha Penguk Zung lutlai U Myint Oo nih  ah a chim.

“Cun, khuate lei tiva ah mibu in tiva ah khawlh le ngadawi tibantuk kham ding, asinain khua ah kal a herh ahcun kal ko u, thil pek a herh zong ah pek  khawh a si ko. Pakhat le pakhat naih tuk in thutdir lo ding le Hakha lei in siseh,

a dangdang lei in siseh khual an rat ahcun thawngthanh ding le khuate lei i sianginn sak le Cozah inn sak tibantuk i a rak tlung mi hna he naihniam tein um lo ding, ni 14 a tling hnu i, zeihmanh zawtnak an ngeih lo tu ahcun tha tein thutdirti khawh a si ko, tiah khuate khuabawi kip thawng kan thanh hna,” tiah U Myint Oo nih ost ah a chimchap.

Mah kongah hin khuate lei ah ummi nih him kan duh cio ko, eiding a her mi hakha ah va cawk pawl hna kha cu zeihman pawinak um lo, natein atu lio boruak mah bantuk a si lio ah duh poah in khualtlawng kha kan caah a him lo tuk mi a si caah ralrin tein kan um a her cu tiah an duh lonak an chim tiah thei a si

Be the first to comment on "Thinak darkhing!! USA ah Chinpa nih Corovanavirus zawtnak in mual a liam"

Leave a comment

Your email address will not be published.


*


error: Content is protected !!